ଅହମ୍ମଦାବାଦ(ବଡ଼ ଖବର ବ୍ୟୁରୋ): ସାବରମତି ଆଶ୍ରମକୁ ଭାଙ୍ଗିବା ପାଇଁ ଚାଲିଛି ଷଡଯନ୍ତ୍ର । ମହାତ୍ମା ଗାନ୍ଧିଙ୍କ ସହ ଜଡ଼ିତ ଥିବା ସ୍ମୃତିପୀଠ ସାବରମତି ଆଶ୍ରମକୁ ନୂତନ ରୂପ ଦେବାପାଇଁ ଗୁଜୁରାଟ ସରକାର ଆରମ୍ଭ କରିଛନ୍ତି ପ୍ରସ୍ତୁତି । ଆଶ୍ରମକୁ ୱାର୍ଲ୍ଡ କ୍ଲାସ୍ ମୁଜିୟମ କରିବା ପାଇଁ ଚାହୁଛନ୍ତି ସରକାର । ଯାହାକୁ ବିରୋଧ କରିଛି କଂଗ୍ରେସ । ରାଜସ୍ତାନ ମୁଖ୍ୟମନ୍ତ୍ରୀ ଅଶୋକ ଗେହେଲଟ୍ କହଛନ୍ତି, ଆଶ୍ରମର ପବିତ୍ରତାକୁ ଶେଷ କରିବା ହେଉଛି ମହାତ୍ମାଙ୍କୁ ଅପମାନ କରିବା ସଦୃଶ ।
ବିଜେପି ସରକାର ଗାନ୍ଧିଜୀଙ୍କ ସହ ଜଡ଼ିତ ସମସ୍ତ ସ୍ମୃତିକୁ ନଷ୍ଟ କରିବାକୁ ଚାହୁଁଛନ୍ତି ସରକାର । ସରକାର ଏମତି କିଛି ଭୁଲ କରିବାକୁ ଯାଉଛନ୍ତି, ଆଗାମୀ ପିଢୀ ମଧ୍ୟ ଏହାକୁ କ୍ଷମା କରିବେ ନାହିଁ । ବିରୋଧୀ ଏହାକୁ ବିରୋଧ କରି କହିଛନ୍ତି, ସାବରମତୀ ଆଶ୍ରମକୁ ଭାଙ୍ଗିବା ଅର୍ଥ ମହାତ୍ମା ଗାନ୍ଧୀଙ୍କୁ ୨ୟ ଥର ହତ୍ୟା କରିବା ସମାନ । ୧୯୧୭ରୁ ୧୯୩୦ ମଧ୍ୟରେ ସାବରମତୀ ଆଶ୍ରମରେ ମହାତ୍ମା ଗାନ୍ଧୀ ରହି ସ୍ୱତନ୍ତ୍ରତା ସଂଗ୍ରାମର ନେତୃତ୍ୱ ନେଇଥିଲେ ।
