ପ୍ଲେନରୁ ଖସି ପ୍ରାଣ ହରାଇଥିବା ଦୁଇଜଣଙ୍କ ମଧ୍ୟରେ ଜଣେ ଆଫଗାନିସ୍ତାନ ଫୁଟବଲ ଖେଳାଳି

ଭୁବନେଶ୍ୱର(ବଡ଼ ଖବର ବ୍ୟୁରୋ): ତାଲିବାନିଙ୍କ ଆତଙ୍କରେ ଆଫଗାନ ବାସୀ ଥରହର । ନେତା ମନ୍ତ୍ରୀ ମାନେ ଦେଶ ଛାଡ଼ିବାରେ ଲାଗିଛନ୍ତି । ସେପଟେ ସାଧାରଣ ନାଗରିକ ମାନେ ବି ପ୍ରରଣ ବିକଳରେ ଦେଶରୁ ପଳାଇଯିବାକୁ ଚେଷ୍ଟା କରୁଛନ୍ତି । ତେବେ ବିଭିନ୍ନ ଦେଶ ସେଠାରୁ ନିଜ ନାଗରିକ ମାନଙ୍କୁ ଉଦ୍ଧାର କରିବାକୁ ସ୍ୱତନ୍ତ୍ର ବିମାନ ପଠାଇଥିବା ବେଳେ ଏଥିରେ ଚଢ଼ି ପଳାଇଯିବାକୁ ବିମାନ ବନ୍ଦରରେ ଲୋକଙ୍କର ସୁଅ ଛୁଟିଥିଲା ।

ଯାହାର କରୁଣ ଚିତ୍ର ଭାଇରାଲ ମଧ୍ୟ ହୋଇଥିଲା । ତେବେ ବିମାନର ୱିଙ୍ଗସକୁ ଧରି ମଧ୍ୟ କିଛି ଲୋକ ଦେଶରୁ ପଳାଇଯିବାକୁ ଚେଷ୍ଟା କରୁଥିଲେ । କିନ୍ତୁ ବିମାନରୁ ଖସି ୩ଜଣଙ୍କର ମୃତ୍ୟୁ ହୋଇଥିଲା । ଏମାନଙ୍କ ମଧ୍ୟରେ ଥିଲେ ଆଫଗାନିସ୍ତାନର ଫୁଟବଲ ଟିମର ଖେଳାଳି ଜାକି ଅନୱାରୀ । ଏନେଇ ଆଫଗାନ ନ୍ୟୁଜ ଏଜେନ୍ସି ଆରିଆନା ଏହି ରିପୋର୍ଟ ପ୍ରକାଶ କରିଛି ।