(ବଡ଼ ଖବର ବ୍ୟୁରୋ): ଆଫଗାନିସ୍ତାନକୁ ତାଲିବାନ ଅଧିକାର କରିବା ପରେ ଲଗାତାର ଭାବେ ମହିଳାଙ୍କୁ ଅତ୍ୟାଚାରର ଖବର ଆସୁଛି। ସରକାରୀ ମହିଳା କର୍ମଚାରୀଙ୍କୁ ଆତଙ୍କବାଦୀ ସଂଗଠନ ତାଳିବାନର ଧମକ । ଅଫିସ ନଯାଇ ଘରେ ରୁହ ବୋଲି ଧମକ ଦେଇଥିଲେ । ତାଲିବାନର ଅତ୍ୟାଚାର ସୀମା ଟପିଲାଣି।
ସବୁଠୁ ବେଶି ବିପଦରେ ମହିଳା, ଶିଶୁ ଏବଂ ବୟସ୍କ ବ୍ୟକ୍ତି ଅଛନ୍ତି। ଆଫଗାନିସ୍ତାନ ଛାଡ଼ିଥିବା ଆମେରିକାର ମହିଳା ସାମ୍ବାଦିକ ହୋଲି ମ୍ୟାକେ ଆଫଗାନିସ୍ତାନରେ ମହିଳାମାନେ ସମ୍ମୁଖୀନ ହେଉଥିବା ବର୍ବରତାକୁ ନେଇ ଏକ ବିସ୍ତୃତ ରିପୋର୍ଟ ପ୍ରକାଶ କରିଛନ୍ତି। ଏହି ରିପୋର୍ଟ ଅନୁଯାୟୀ ତାଲିବାନ ଆତଙ୍କବାଦୀ ଏବେ ଆଫଗାନିସ୍ତାନରେ ଘରକୁ ଘର ବୁଲି ୧୫ ବର୍ଷରୁ ଊର୍ଦ୍ଧ୍ବ ବାଳିକା ଓ ମହିଳାଙ୍କୁ ବିବାହ ପାଇଁ ଉଠାଇ ଆଣୁଛନ୍ତି। ଆତଙ୍କବାଦୀମାନେ ସେମାନଙ୍କୁ ଦୁଷ୍କର୍ମ କରିବା ସହ ବଳପୂର୍ବକ ବିବାହ କରୁଛନ୍ତି ବୋଲି ହୋଲି କହିଛନ୍ତି। ଆଫଗାନିସ୍ତାନରେ ମହିଳାମାନେ ନିଜ ଅଧିକାର ପାଇଁ ବହୁତ କଷ୍ଟରେ ଲଢ଼ୁଛନ୍ତି।
