ବିଜେପିରେ ମିଶିଲେ ଶତାଧିକ ମହିଳା କର୍ମୀ

ଆଠମଲ୍ଲିକ (ବଡ଼ ଖବର ବ୍ୟୁରୋ): ବିଜେପିରେ ମିଶିଲେ ଶତାଧିକ ମହିଳା କର୍ମୀ । ଆଠମଲ୍ଲିକ ନିର୍ବାଚନ ମଣ୍ଡଳୀ ଅନ୍ତର୍ଗତ ସାନହୁଲ୍ଲାର ପଞ୍ଚାୟତର ମିଣ୍ଡୋଳ ଗ୍ରାମରେ ବିଜେପିରେ ମିଶିଛନ୍ତି ଶତାଧିକ ମହିଳା କର୍ମୀ । ବିଜେଡି ଓ କଂଗ୍ରେସ ଛାଡ଼ି ବହୁ ନେତା ଓ ଶତାଧିକ କର୍ମୀ ଆନୁଷ୍ଠାନିକ ଭାବେ ବିଜେପିରେ ସାମିଲ ହୋଇଛନ୍ତି । ମହିଳାମାନେ ଯୁବନେତା ସଂଗ୍ରାମ ମହାପାତ୍ରଙ୍କ ଉପସ୍ଥତିରେ ବିଜେପିରେ ସାମିଲ ହୋଇଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଗରିବ କଲ୍ୟାଣ କାର୍ଯ୍ୟକ୍ରମ ଓ ସୁଶାସନ ସହ ବିଜେପିର ନୀତି ଆଦର୍ଶରେ ଅନୁପ୍ରାଣିତ ହୋଇ ବିଜେପିରେ ସାମିଲ ହୋଇଥିବା କର୍ମୀମାନେ କହିଛନ୍ତି । ଏହି ମିଶ୍ରଣ ପର୍ବର ଠାକୁରଗଡ଼ ମଣ୍ଡଳ ଉପସଭାପତି ପଙ୍କଜ କୁମାର ବେହେରା, ଏସଟି ମୋର୍ଚ୍ଚା ମଣ୍ଡଳ ସଭାପତି ରାମଚନ୍ଦ୍ର ପଧାନ, ସ୍ଥାନୀୟ ବିଜେପି କାର୍ଯ୍ୟକର୍ତ୍ତା ପ୍ରକାଶ ନାୟକ, ଦଇତାରୀ ମହାକୁଡ଼, ଶାନ୍ତିଲତା ଘିୱାଲା ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ସମ୍ପାଦନ କରିଥଲେ।