ଆସନ୍ତା ବର୍ଷ ସେପ୍ଟେମ୍ବର ପର୍ଯ୍ୟନ୍ତ ଅଧ୍ୟକ୍ଷା ରହିବେ ସୋନିଆ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): କଂଗ୍ରେସ ଦଳର ଅଧ୍ୟକ୍ଷକୁ ନେଇ ଚାଲୁଥିବା ବିବାଦର ଅବସାନ ଘଟିଲା । ଆସନ୍ତାବର୍ଷ ସେପ୍ଟେମ୍ବର ମାସ ଯାଏ ସୋନିଆ ଗାନ୍ଧି ହିଁ କଂଗ୍ରେସର ଅନ୍ତରୀଣ ଅଧ୍ୟକ୍ଷ । ଆସନ୍ତା ବର୍ଷ ସେପ୍ଟେମ୍ବର ପର୍ଯ୍ୟନ୍ତ ଅଧ୍ୟକ୍ଷା ରହିବେ ସୋନିଆ । ତେବେ କଂଗ୍ରେସର ଅଧ୍ୟକ୍ଷ ନିର୍ବାଚନ ଆସନ୍ତା ବର୍ଷ ସେପ୍ଟେମ୍ବର ମାସରେ ଅନୁଷ୍ଠିତ ହେବ ବୋଲି ନିଷ୍ପତ୍ତି ହୋଇଛି। ସେହିପରି ନୂଆ ବରିଷ୍ଠ କାର୍ୟ୍ୟକର୍ତ୍ତା ନିର୍ବାଚନ ମଧ୍ୟ ଆସନ୍ତା ସେପ୍ଟେମ୍ବର ହେବ ବୋଲି ଦଳୀୟ ସୂତ୍ରରୁ ଜଣାପଡ଼ିଛି ।

ତେବେ ସିଡବ୍ଲ୍ୟୁଡିସି ବୈଠକରେ ଦଳର ସଦସ୍ୟତା ସଂଗ୍ରହ କାର୍ୟ୍ୟସୂଚୀ ପ୍ରସ୍ତୁତ ଚୂଡ଼ାନ୍ତ ହୋଇଛି। ବୈଠକରେ ଏହା ଉପରେ ବିସ୍ତୃତ ଭାବେ ବିଚାରବିମର୍ଶ ଚାଲିଛି। ଆସନ୍ତାବର୍ଷ ପ୍ରଥମ ଭାଗରେ ଉତ୍ତରପ୍ରଦେଶ, ଗୋଆ, ପଞ୍ଜାବ ସମେତ ପାଞ୍ଚଟି ରାଜ୍ୟରେ ବିଧାନସଭା ନିର୍ବାଚନ ହେବ। ତେଣୁ ଏହାପୂର୍ବରୁ ଦଳୀୟ ନିର୍ବାଚନ ଉପରେ ଫୋକସ ନ କରିବାକୁ ବୈଠକରେ ବରିଷ୍ଠ ନେତାମାନେ ମତ ଦେଇଥିଲେ। ଶେଷରେ ସେପ୍ଟେମ୍ବର ମାସରେ ଅଧ୍ୟକ୍ଷ ନିର୍ବାଚନ ହେବ ବୋଲି ନିଷ୍ପତ୍ତି ହୋଇଛି।