ଲକ୍ଷ୍ନୌ (ବଡ଼ ଖବର ବ୍ୟୁରୋ): ହାଥରସ ଗଣବଳାତ୍କାର ଘଟଣା ସାରା ଦେଶରେ ବର୍ତ୍ତମାନ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । ଏହି ଘଟଣାକୁ ନେଇ ରାଜନୀତି ମଧ୍ୟ ବେଶ ସରଗରମ ହେବାରେ ଲାଗିଛି । ଅନ୍ୟପଟେ ଘଟଣାକୁ ନେଇ ଯୋଗୀ ସରକାରଙ୍କୁ ଟାର୍ଗେଟ କରିଛନ୍ତି ବିରୋଧୀ । ଅନ୍ୟପଟେ ଯୋଗୀ ସରକାରଙ୍କ ସପକ୍ଷରେ ସ୍ୱର ଉଠାଇଛନ୍ତି କେନ୍ଦ୍ରମନ୍ତ୍ରୀ ସ୍ମୁତି ଇରାନୀ । ସେ ତାଙ୍କ ବୟାନରେ କହିଛନ୍ତି, କଂଗ୍ରେସର ରଣନୀତିକୁ ସାଧାରଣ ଲୋକ ବୁଝିପାରୁ ନାହାନ୍ତି । କଂଗ୍ରେସ ନ୍ୟାୟ ପାଇଁ ନୁହଁ ବରଂ ରାଜନୀତି ଫାଇଦା ପାଇଁ ହାଥରସ ଯାତ୍ରା ଆରମ୍ଭ କରିଛି ।
ଅନ୍ୟପଟେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସହ କଥା ହୋଇଛନ୍ତି ସ୍ମୁତି ଇରାନୀ । ପୀଡ଼ିତାଙ୍କ ପରିବାରକୁ ଉଚିତ ନ୍ୟାୟ ମିଳିବ ବୋଲି ଯୋଗୀ ସ୍ମୁତି ଇରାନୀଙ୍କୁ ଶୁନିଶ୍ଚିତ କରି କହିଛନ୍ତି । ଏହି ଘଟଣାରେ ସେ କଂଗ୍ରେସର ରଣନୀତି ସମ୍ପର୍କରେ ସ୍ପଷ୍ଟ କରିଛନ୍ତି । କଂଗ୍ରେସ ପୀଡ଼ିତାଙ୍କ ପରିବାରକୁ ନ୍ୟାୟ ପାଇଁ ନୁହଁ ବରଂ ତାର ରାଜନୈତିକ ଫାଇଦା ପାଇଁ ସେ ଏହି ପଦଯାତ୍ରା ଆରମ୍ଭ କରିଛି ବୋଲି ଏକ ସାମ୍ବାଦିକ ସମ୍ମିଳନୀରେ ସେ କହିଛନ୍ତି ।
