କୋରାପୁଟ(ବଡ଼ ଖବର ବ୍ୟୁରୋ): ପୋଲିସ କରୁଛି ଗଞ୍ଜେଇ ବେପାର । କୋରାପୁଟ ଜିଲ୍ଲା ଜୟପୁରରୁ ଦେଢ କୋଟି ଟଙ୍କାର ଗଞ୍ଜେଇ ଜବତ କରିଛି ପୋଲିସ । ଚୋରା ଗଞ୍ଜେଇ ବେପାର କରୁଥିବା ଅଭିଯୋଗରେ ପୋଲିସ ୬ ଜଣଙ୍କ ସହ ଜଣେ ହୋମଗାର୍ଡଙ୍କୁ ଗିରଫ କରିଛି । ଗୋଟିଏ ଟ୍ରକ ଅମ୍ବାଗୁଡା ନିକଟରୁ ଓ ଆଉ ଗୋଟିଏ ଟ୍ରକ ଜୟପୁର ଘାଟି ନିକଟରୁ ଜବତ ହୋଇଛି ।
ଗୋଟିଏ ଟ୍ରକରୁ ୧ ଟନ ଗଞ୍ଜେଇ ଜବତ ହୋଇଥିବାବେଳେ ଅନ୍ୟ ଏକ ଟ୍ରକରୁ ୫ ଶହ ୭୯ କେଜି ଗଞ୍ଜେଇ ଜବତ ହୋଇଛି । ଜବତ ହୋଇଥିବା ଗଞ୍ଜେଇର ଆନୁମାନିକ ମୂଲ୍ୟ ଦେଢକୋଟି ଟଙ୍କା ହେବ ବୋଲି ଏସଡ଼ିପିଓ ସୂଚନା ଦେଇଛନ୍ତି । ସେଥିରେ ଗୋଟିଏ କୋଇଲା ବୋଝୋଇ ଟ୍ରକ ରହିଛି । ଅମ୍ବାଗୁଡା ନିକଟରୁ ଜବତ ହୋଇଥିବା ଗଞ୍ଜେଇ ଟ୍ରକରେ ଜଣେ ପୋଲିସ ହୋମଗାର୍ଡ ଥିଲେ।ହୋମଗାର୍ଡ ଜଣକ କୋଲାବ ଅଞ୍ଚଳର ବୋଲି ଜଣାପଡିଛି।
