ପଏଣ୍ଟେଟେବୁଲ ଶୀର୍ଷକୁ ଉଠିଲା ବାଙ୍ଗାଲୋର
ଦୁବାଇ (ବଡ଼ ଖବର ବ୍ୟୁରୋ):କ୍ୟାପଟେନ୍ ବିରାଟ କୋହଲି ଓ ଯୁବ ବ୍ୟାଟ୍ସମ୍ୟାନ ଦେବୀଦତ୍ତ ପାଡ଼ିକଲଙ୍କ ବିସ୍ଫୋରକ ବ୍ୟାଟିଂ ବଳରେ ରାଜସ୍ଥାନ ରୟାଲ୍ସକୁ ୮ ୱିକେଟରେ ପରାସ୍ତ କଲା ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର । ଲଗାତାର ଦୁଇଟି ମ୍ୟାଚ୍ ଜିତି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବର୍ତ୍ତମାନ ପଏଣ୍ଟେଟେବୁଲର ଶୀର୍ଷରେ ପହଁଞ୍ଚିଛି ।
ଟସ୍ ଜିତି ରାଜସ୍ଥାନ ପ୍ରଥମେ ବ୍ୟାଟିଂର ନିଷ୍ପତ୍ତି ନେଇଥିଲା । ସ୍ମିତ୍ ନେତୃତ୍ୱଧୀନ ରୟାଲ୍ସ ପକ୍ଷରୁ ମହିପାଲ ଲୋମରୋର ୪୭ ରନ, ରାହୁଲ ତେୱାଟିଆଙ୍କ ଦ୍ରୁତ ୨୪ ରନ ଫଳରେ ନିର୍ଦ୍ଧାରିତ ୨୦ ଓଭରରେ ୬ ୱିକେଟ ବିନିମୟରେ ୧୫୪ ରନ କରିପାରିଥିଲା । ୧୫୫ ରନ ବିଜୟ ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇଥିବା କୋହଲିବାହିନୀ ନିର୍ଦ୍ଧାରିତ ଓଭର ପୂର୍ବରୁ ମ୍ୟାଚକୁ ନିଜ ନାମରେ କରି ସାରିଥିଲା । ଦଳ ପକ୍ଷରୁ କ୍ୟାପଟେନ ବିରାଟ କୋହଲିଙ୍କ ଅପରାଜିତ ୭୨ ରନ ଓ ଦେବୀଦତ୍ତ ପାଡ଼ିକଲଙ୍କ ୬୩ରନ ମ୍ୟାଚ ଜିତିବାରେ ସହାୟକ ହୋଇଥିଲା ।
