ଆଜିଠୁ ସବୁ ଖୋଲା
ଭୁବନେଶ୍ୱର(ବଡ଼ ଖବର ବ୍ୟୁରୋ): ଆଜିଠୁ ରାଜ୍ୟରେ କୌଣସି ସ୍ଥାନରେ ସପ୍ତାହାନ୍ତ ସଟଡାଉନ୍ ରହିବନି। ସକାଳ ୫ଟାରୁ ରାତି ୧୦ଟା ପର୍ଯ୍ୟନ୍ତ ସବୁ ଦୋକାନ ବଜାର, ମଲ୍ ଆଦି ଖୋଲା ରହିବ। କେବଳ ସବୁ ସହରାଞ୍ଚଳରେ ରାତି ୧୦ଟାରୁ ସକାଳ ୫ଟା ପର୍ଯ୍ୟନ୍ତ ନାଇଟ୍ କର୍ଫ୍ୟୁ ଜାରି ରହିବ ବୋଲି ଉନ୍ନୟନ କମିସନର ତଥା ସ୍ବତନ୍ତ୍ର ରିଲିଫ କମିସନର ପ୍ରଦୀପ କୁମାର ଜେନା ସୂଚନା ଦେଇଛନ୍ତି। ବାହାଘର, ବ୍ରତଘର ଓ ଶୁଦ୍ଧି କ୍ରିୟାରେ ୨୫୦ଜଣ ସାମିଲ ହୋଇପାରିବେ ।
ବାହାଘର ବରଯାତ୍ରୀରେ ୫୦ରୁ ଅଧିକ ଲୋକ ସାମିଲ ହୋଇପାରିବେ ନାହିଁ । ପ୍ରାଧିକୃତ ଅଧିକାରୀଙ୍କ ଠାରୁ ଅନୁମତି ନେଇ ହୋଇପାରିବ ବିବାହ ଶୋଭାଯାତ୍ରା । ରାଜନୈତିକ, ସାମାଜିକ, ସାଂସ୍କୃତିକ ସମାବେଶରେ କଟକଣା । ଏଣିକି କୋଭିଡ ସାର୍ଟିଫିକେଟ ଓ ଟିକା ପ୍ରମାଣ ପତ୍ର ବାଧ୍ୟତାମୂଳକ ନୁହେଁ । ଲାଇବ୍ରେରୀ ଖୋଲା ରହିବ । ସଂକ୍ରମଣ ସ୍ଥିତି ଦେଖି ଜିଲ୍ଲାପାଳ ଚାହିଁଲେ ଅତିରିକ୍ତ କଟକଣା ବଢ଼ାଇପାରିବେ ।
ପ୍ରଦର୍ଶନୀ, ବାଣିଜ୍ୟମେଳା ଆଦିକୁ ବାରଣ । ନାଇଟ କର୍ଫ୍ୟୁ ସମୟରେ ଜରୁରୀ ସେବା ଜାରି ରହିବ । ଓଲା, ଉବେର ଆଦିକୁ ଅନୁମତି । ବସଷ୍ଟାଣ୍ଡ, ଷ୍ଟେସନ ଏୟାରପୋର୍ଟ ଯାଇପାରିବେ । ପୂଜାପାର୍ବଣ ପାଇଁ ଆସିବ ନୂଆ ଗାଇଡଲାଇନ ।