ମହାପଞ୍ଚାୟତ ମଞ୍ଚରେ ଏକାଠି ହେବେ ନରେଶ ଓ ରାକେଶ ଟିକାୟତ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): କେନ୍ଦ୍ର ସରକାରଙ୍କ ନୂତନ କୃଷି ଆଇନ ବିରୁଦ୍ଧରେ ଆନ୍ଦୋଳନ ତେଜିବାରେ ଲାଗିଛି । ଏହି ଆନ୍ଦୋଳନକୁ ଆହୁରି ମଜଭୁତ କରିବା ପାଇଁ ସେପ୍ଟେମ୍ବର ୫ ତାରିଖରେ ମୁଜାଫରନଗରର ଜିଆଇସି ଗ୍ରାଉଣ୍ଡରେ କୃଷକ ମହାପଞ୍ଚାୟତ ଅନୁଷ୍ଠିତ ହେବାକୁ ଯାଉଛି । ସରକାର ଠାରୁ ଆରମ୍ଭ କରି ଦେଶର ବିରୋଧୀ ଦଳ ପର୍ଯ୍ୟନ୍ତ ସମସ୍ତେ ଏହି ଆନ୍ଦୋଳନ ଉପରେ ନଜର ରଖିଛନ୍ତି ।

ହେଲେ ପ୍ରଥମଥର ପାଇଁ ମହାପଞ୍ଚାୟତ ମଞ୍ଚରେ ଏକାଠି ଦେଖାଦେବେ ବି.କେ.ୟୁର ରାଷ୍ଟ୍ରୀୟ ସଭାପତି ନରେଶ ଟିକାୟତ ଏବଂ ଜାତୀୟ ମୁଖପାତ୍ର ରାକେଶ ଟିକାୟତ । ଅନ୍ୟପଟେ ସାରା ଦେଶରୁ ୩୦୦ରୁ ଅଧିକ ସକ୍ରିୟ ସଂଗଠନ ମହାପଞ୍ଚାୟତରେ ସାମିଲ ହେବେ ବୋଲି ସୂଚନା ମିଳିଛି । ଯେଉଁଠି ପ୍ରାୟ ୬୦ଟି କୃଷକ ସଂଗଠନ ରହିଥିବା ବେଳେ ଅନ୍ୟଗୁଡିକରେ ଶ୍ରମିକ, ଛାତ୍ର, ଶିକ୍ଷକ, ଅବସରପ୍ରାପ୍ତ ଅଧିକାରୀ ମହିଳା ଇତ୍ୟାଦି ସାମିଲ ହେବେ ବୋଲି ସୂଚନା ମିଳିଛି ।