ଛତିଶଗଡ ମୁଖ୍ୟମନ୍ତ୍ରୀଙ୍କ ବାପାଙ୍କ ବିରୋଧରେ ଦାଏର ହେଲା ଏଫଆଇଆର

ଭୁବନେଶ୍ୱର(ବଡ଼ ଖବର ବ୍ୟୁରୋ): ସାରା ଦେଶର ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି ଛତିଶଗଡ । ତେବେ ଏଥର କୌଣସି ରାଜନୀତିକୁ ନେଇ ନୁହେଁ ବରଂ ମୁଖ୍ୟମନ୍ତ୍ରୀଙ୍କ ବାପାଙ୍କୁ ନେଇ ଚର୍ଚ୍ଚା ଜୋର ଧରିଛି । ତେବେ ବ୍ରାହ୍ମଣଙ୍କୁ ବହିଷ୍କାର ମନ୍ତବ୍ୟକୁ ଦେଇ ଅଡୁଆରେ ଭୁପେଶ ବାଘେଲଙ୍କ ପିତା ନନ୍ଦ କୁମାର ବାଘେଲ । ଏନେଇ ଛତିଶଗଡ ପୁଲିସ ତାଙ୍କ ବିରୋଧରେ ଏକ ମାମଲା ରୁଜୁ କରିଛନ୍ତି ।

ମୁଖ୍ୟମନ୍ତ୍ରୀଙ୍କ ପିତା ନିକଟରେ ଉତ୍ତରପ୍ରଦେଶରେ ଏହି ଟିପ୍ପଣୀ ଦେଇଥିବାର ସୂଚନା ମିଳିଛି । ଅପରପକ୍ଷରେ ଆଇନ ଉପରେ କେହି ନୁହଁନ୍ତି ବୋଲି କହିଛନ୍ତି ଛତିଶଗଡ ମୁଖ୍ୟମନ୍ତ୍ରୀ ଭୂପେଶ ବାଘେଲ । ସର୍ବ ବ୍ରାହ୍ମଣ ସମାଜର ଅଭିଯୋଗ ପରେ ଡିଡି ନଗର ପୁଲିସ ନନ୍ଦ କୁମାର ବାଘେଲଙ୍କ ନାମରେ ମାମଲା ରୁଜୁ କରିଛି । ବାଘେଲଙ୍କ ବିରୋଧରେ ଦଫା ୧୫୩-ଏ ଏବଂ ୫୫୫(୧)(ବି) ଲାଗିଥିବାର ସୂଚନା ମିଳିଛି ।