କୃଷି ଆଇନ ସମ୍ପର୍କିତ ରିପୋର୍ଟକୁ ସାର୍ବଜନୀନ କରାଯାଉ !

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): କେନ୍ଦ୍ର ସରକାରଙ୍କ ନୂତନ କୃଷି ଆଇନକୁ ଦୀର୍ଘ ଦିନ ଧରି ଚାଷୀମାନେ ବିରୋଧ କରି ଆସୁଛନ୍ତି । ଏହା ମଧ୍ୟରେ କୃଷି ଆଇନ ସମ୍ପର୍କିତ ରିପୋର୍ଟକୁ ସାର୍ବଜନୀନ କରାଯାଉ ବୋଲି ଦାବି କରାଯାଉଛି । ଏନେଇ ଚାଷୀ ଆନ୍ଦୋଳନକୁ ନେଇ ସୁପ୍ରିମକୋର୍ଟରେ ଗଠନ କରାଯାଇଥିବା ପ୍ୟାନେଲର ଜଣେ ସଦସ୍ୟ ନିବେଦନ କରିଛନ୍ତି ।

ସଦସ୍ୟ ଜଣଙ୍କ ସୁପ୍ରିମକୋର୍ଟ ପ୍ରଧାନ ବିଚାରପତି ଜଷ୍ଟିସ ଏନଭି ରମନ୍ନାଙ୍କୁ ଚିଠି ଲେଖି କୃଷି ଆଇନ ସମ୍ପର୍କରେ ପ୍ୟାନେଲ ଦେଇଥିବା ରିପୋର୍ଟକୁ ସାର୍ବଜନୀନ କରିବାକୁ ଅନୁରୋଧ କରିଛନ୍ତି । ପ୍ୟାନେଲ ପକ୍ଷରୁ ମାର୍ଚ୍ଚ ମାସରେ ବିଭିନ୍ନ ପକ୍ଷଙ୍କ ସହ ଆଲୋଚନା କରାଯାଇ ସୁପ୍ରିମକୋର୍ଟଙ୍କ ନିକଟରେ ରିପୋର୍ଟ ଦାଖଲ କରାଯାଇଥିଲା । ତେବେ ସୁପ୍ରିମକୋର୍ଟ ଏହି ରିପୋର୍ଟକୁ ଠିକ ଭାବରେ ଦେଖିନାହାଁନ୍ତି । ତେଣୁ ଏହି ରିପୋର୍ଟକୁ ସାର୍ବଜନୀନ କରିବାକୁ ଅନୀଲ ଘନୱାଟ ନିବେଦନ କରିଛନ୍ତି ।