ମୂର୍ତ୍ତିର ଉଚ୍ଚତାକୁ ନେଇ ଆସିପାରେ ନିଷ୍ପତି
କଟକ (ବଡ଼ ଖବର ବ୍ୟୁରୋ): କଟକରେ ମୂର୍ତ୍ତି ଉଚ୍ଚତାକୁ ନେଇ ଶାନ୍ତି କମିଟି ଓ ପୂଜା କମିଟି ସହ ସରକାରଙ୍କ ଆଲୋଚନା ଚାଲିଛି । ଦୀର୍ଘ ୮ଦିନ ଶାନ୍ତି ପୂର୍ଣ୍ଣ ଭାବେ ପୂର୍ଣ୍ଣପାର୍ବଣ ପାଇଁ ରାଜ୍ୟ ସରକାର ଜାରି କରିଥିବା ମାର୍ଗଦର୍ଶିକାରେ ପରିବର୍ତ୍ତନ ପାଇଁ କଟକ ସହରର ପ୍ରାୟ ୪୦ଗୋଟି ସାମାଜିକ ସଂଗଠନ ଠାରୁ ଆରମ୍ଭ କରି ବିଭିନ୍ନ ପୂଜା କମିଟିର ସଦସ୍ୟମାନେ ଧାରଣା ଦେଇଥିଲେ । ସହରର ବିଭିନ୍ନ ଛକ ମାନଙ୍କରେ ଶାନ୍ତି ପୂର୍ଣ୍ଣ ପ୍ରତିବାଦ କରିବା ପରେ କୌଣସି ପ୍ରଶାସନ ଅଧିକାରୀ ତାଙ୍କ ପାଖରେ ପହଞ୍ଚି ନଥିଲେ ।
ଯାହାକି ମୂର୍ତ୍ତି ଉଚ୍ଚତା ଓ ପରଦା ଆଢୁଆଳରେ ମା’ଙ୍କ ପୂଜାକୁ ବିରୋଧ କରି ବିଜେପି ଆସନ୍ତା ୧୩ ତାରିଖରେ କଟକ ବନ୍ଦ ଡାକରା ଦେଇଥିବା ବେଳେ କଂଗ୍ରେସ ବିଧାୟକ ମହମ୍ମଦ ମୋକିମ୍ ବିଧାନସଭାରେ ଏହି ପ୍ରସଙ୍ଗ ଉଠାଇଥିଲେ । ତାସହ ଶାସକ ଦଳ ବିଧାୟକ ସୌଭିକ୍ ବିଶ୍ବାଳ ମଧ୍ୟ ପ୍ରତିବାଦକାରୀଙ୍କ ପାଖକୁ ଯାଇ ଆଲୋଚନା କରିଥିଲେ । ମୂର୍ତ୍ତି ନିର୍ମାଣ ପରମ୍ପରା ସହ ଜଡିତ ଛୋଟ ମୂର୍ତ୍ତି ଓ ମଣ୍ଡପରେ ପରଦା ଟାଣିବା ପ୍ରସଙ୍ଗ ଲୋକଙ୍କ ଭାବାବେଗଙ୍କୁ ଆଘାତ କରୁଛି ବୋଲି ଶାସନ ବିଧାୟକ ମଧ୍ୟ କହିଛନ୍ତି ।
ମୂର୍ତ୍ତି ଉଚ୍ଚତା ଓ ପରଦା ଆଢୁଆଳରେ ମାଙ୍କ ପୂଜା କୁ ନେଇ ଲାଗିଥିଲା ବିବାଦ । ଯାହାକି ଦୀର୍ଘ ଦିନ ପ୍ରତିବାଦ ପରେ ଆଜି ଶାନ୍ତି କମିଟି ଓ ପୂଜା କମିଟି ସହ ଗୁରୁତ୍ୱପୂର୍ଣ୍ଣ ଆଲୋଚନା କରୁଛନ୍ତି ମୁଖ୍ୟ ଶାସନ ସଚିବ ଓ ସ୍ବତନ୍ତ୍ର ରିଲିଫ କମିଶନର ।