ମନ୍ଦିରରୁ ଚୋରି

ଅତାବିରା (ବଡ଼ ଖବର ବ୍ୟୁରୋ): ଦୁର୍ଗା ମନ୍ଦିରରୁ ଚୋରି । ଏଭଳି ଦୃଶ୍ୟ ଦେଖିବାକୁ ମିଳିଛି ବରଗଡ଼ ଜିଲ୍ଲା ଅତାବିରା ଦୁର୍ଗା ମନ୍ଦିରରେ । ମନ୍ଦିରରୁ ଦାନବାକ୍ସ ସହ ମା’ ଦୁର୍ଗାଙ୍କ ସୁନା ମୁକୁଟ, ଚାରୋଟି ଛତ୍ର, ଗୋଟିଏ ମଥାମଣି ଚୋରି ହୋଇଛି । ।ଯାହାର ଆନୁମାନିକ ମୂଲ୍ୟ ଲକ୍ଷାଧିକ ଟଙ୍କା ହେବ ବୋଲି ଜଣାପଡ଼ିଛି । ବରଗଡ଼ ଜିଲ୍ଲାରେ ଦିନକୁ ଦିନ ଚୋରି ,ଡକାୟତି, ନିଶା କାରବାର ବଢି ଚାଲିଛି ହେଲେ ପୋଲିସ ହାତ ବାନ୍ଧି ଚୁପ ବସିଛି ।

ଅତାବିରା ସହରର ମଧ୍ୟ କିଛି ଦିନ ପୂର୍ବରୁ ଲୁଟ , ଚୋରି ଘଟଣା ସାମ୍ନାକୁ ଆସିଛି ହେଲେ ପୋଲିସର ନିଷ୍କ୍ରିୟତା ଯୋଗୁଁ ଚୋରି ଓ ଡକାୟତି କାରବାର ବଢି ଚାଲିଛି । ଯାହାକୁ ନେଇ ବୁଦ୍ଧିଜୀବୀ ମହଲରେ ଅସନ୍ତୋଷ ଦେଖା ଦେଇଥିବା ବେଳେ ଜନସାଧାରଣ ନିଜକୁ ଅସୁରକ୍ଷିତ ମନେ କରୁଛନ୍ତି । ଅତାବିରା ଥାନା ସମ୍ମୁଖରେ ଦୁର୍ଗା ମନ୍ଦିର ରହିଥିବାବେଳେ କେମିତି ମନ୍ଦିରରୁ ଚୋରି ହେଲା ତାହା ସମସ୍ତଙ୍କ ମନରେ ପ୍ରଶ୍ନ ସୃଷ୍ଟି କରୁଛି ।