ତେଲେଙ୍ଗାନାରେ ଡ୍ରୋନ୍ ଦେବ ଟିକା-ଔଷଧ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ପ୍ରଥମ ଥର ପାଇଁ ଡ୍ରୋନ୍ ସାହାଯ୍ୟରେ ଟିକା ଓ ଔଷଧ ଦିଆଯିବ । ଏସବୁର ପରିବହନ ପାଇଁ ତେଲେଙ୍ଗାନା ସରକାର ‘ଆକାଶରୁ ଔଷଧ’ ପ୍ରକଳ୍ପକୁ ଶନିବାର ବେସାମରିକ ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ ଉଦଘାଟନ କରିଛନ୍ତି। ତେଲେଙ୍ଗାନାର ୧୬ଟି ଗ୍ରୀନ୍ ଜୋନ୍ରେ ଏହି ଯୋଜନା କାର୍ଯ୍ୟକାରୀ ହେବ । ପରେ ଦେଶ ସାରା ଏହାର ସମ୍ପ୍ରସାରଣ କରାଯାଇପାରେ ବୋଲି ସିନ୍ଧିଆ କହିଛନ୍ତି।
ଉଦଘାଟନ ଅବସରରେ ସିନ୍ଧିଆ କହିଲେ ଯେ, ପ୍ରଥମେ ତେଲେଙ୍ଗାନାର ୧୬ଟି ଗ୍ରୀନ୍ ଜୋନରେ ‘ଆକାଶରୁ ଔଷଧ’ ଯୋଜନାକୁ ପରୀକ୍ଷାମୂଳକ ଭାବେ କାର୍ଯ୍ୟକାରୀ କରାଯିବ। ତିନିମାସ ପରେ ଆଇଟି ମନ୍ତ୍ରଣାଳୟ, ସ୍ବାସ୍ଥ୍ୟ ମନ୍ତ୍ରଣାଳୟ, ରାଜ୍ୟ ଓ କେନ୍ଦ୍ର ସରକାର ମିଶି ଏହାର ସଫଳତା ବିଷୟରେ ତର୍ଜମା କରିବେ। ତା’ପରେ ସାରା ଦେଶରେ ଏହି ଯୋଜନା କାର୍ଯ୍ୟକାରୀ କରାଯିବ।