ଉତ୍ତରପ୍ରଦେଶ(ବଡ଼ ଖବର ବ୍ୟୁରୋ): ସାରା ଦେଶର ନଜର ବର୍ତ୍ତମାନ ଉତ୍ତରପ୍ରଦେଶ ରାଜନୀତି ଉପରେ । ଏନେଇ ବିଭିନ୍ନ ଦଳ ପ୍ରଚାର ଆରମ୍ଭ କରିବା ସହ ବିଭନ୍ନ ପ୍ରକାରର ଯୋଜନା ସବୁ ଲୋକଙ୍କ ଆଗରେ ଉପସ୍ଥାପିତ କରୁଛି । ଏହା ମଧ୍ୟରେ ଆମ ଆଦମି ପାର୍ଟି ତା’ର ପୁରୁଣା ଯୋଜନାକୁ ଉତ୍ତରପ୍ରଦେଶରେ ଲାଗୁ କରିଛି । ତେବେ ୟୁପିରେ ଯଦି ଆମ ଆଦମି ପାର୍ଟି ସରକାର ଗଠନ କରିବ, ତାହାଲେ ଜନସାଧାରଣଙ୍କୁ ୩୦୦ ୟୁନିଟ ପର୍ଯ୍ୟନ୍ତ ବିଜୁଳି ମାଗଣାରେ ମିଳିବ । ଏନେଇ ଦଳ ଟ୍ୱିଟ କରି ସୂଚନା ଦେଇଥିବାର ଦେଖିବାକୁ ମିଳିଥିଲା ।
ଏଥିରେ ସ୍ପଷ୍ଟ କରାଯାଇଛି ଯେ ଆପ ସରକାର ଗଠନ କରିବାର ମାତ୍ର ୨୪ ଘଣ୍ଟା ମଧ୍ୟରେ ଘରୋଇ ଉପଭୋକ୍ତାଙ୍କୁ ୩୦୦ ୟୁନିଟର ବିଜୁଳି ମାଗଣାରେ ଯୋଗାଇ ଦିଆଯିବ ।
