ତାଲିବାନ ସରକାରକୁ ମିଳିବନି ଆନ୍ତର୍ଜାତୀୟ ସମୂହର ମାନ୍ୟତା

ନୂୂଆଦିଲ୍ଲୀ(ବଡ଼ ଖବର ବ୍ୟରୋ) :   ଆଫଗାନିସ୍ତାନକୁ ଜବରଦଖଲ କରିଥିବା ତାଲିବାନ ସରକାରକୁ ମାନ୍ୟତା ଦେବେନି ଆନ୍ତର୍ଜାତୀୟ ସମୂହ । ତାଲିବାନ ବନ୍ଧୁକ ମୁନରେ ଆଫଗାନିସ୍ତାନରେ ନିଜ ସରକାର ଗଢିଛି ସତ ହେଲେ ଆନ୍ତର୍ଜାତୀୟ ସମୂହର ଦାବି ମୁତାବକ ତାଲିବାନ ସରକାର ଗଠନ କରିବାରେ ବିଫଳ ହୋଇଛି । ଏଥିସହ କୌଣସି ବାହ୍ୟ ରାଷ୍ଟ୍ର ଯେପରି ଆଫଗାନର ତାଲିବାନୀ ସରକାରରେ ହସ୍ତକ୍ଷେପ ନ କରିବେ, ତା’ର ବ୍ୟବସ୍ଥା କରିବାକୁ କୁହାଯାଇଥିଲା । ତେବେ ତାଲିବାନ ଅନ୍ତର୍ଭୁକ୍ତ ସରକାର ଗଠନ କରିବ ବୋଲି ପ୍ରତିଶୃତି ଦେଇଥିଲା ।

ହେଲେ ଏଥିରେ ସଂଗଠନ ବିଫଳ ହୋଇଥିବାରୁ ଆନ୍ତର୍ଜାତୀୟ ସମୂହ ତାଲିବାନୀ ସରକାରକୁ ମାନ୍ୟତା ଦେବାକୁ ମନା କରିଦେଇଛି । ସୂଚନା ଅନୁସାରେ, ବଳପୂର୍ବକ ଭାବେ କ୍ଷମତାକୁ ଆସିଥିବା କୌଣସି ପକ୍ଷକୁ କେବେ ହେଲେ ଆନ୍ତର୍ଜାତୀୟ ସମୂହ କୌଣସି ମାନ୍ୟତା ଦେବନି । ତାଲିବାନ ଅନ୍ତର୍ଭୁକ୍ତ ସରକାର ଗଠନ କରିବାକୁ ପ୍ରତିଶୃତି ଦେଇଥିଲା ହେଲେ ତାହା ମଧ୍ୟ ପୂରଣ ହୋଇନି । ସେପଟେ ପାକିସ୍ତାନ ସରକାର ଗଠନ ପ୍ରକ୍ରିୟାରେ ହସ୍ତକ୍ଷେପ କରିଛି । ସରକାର ଗଠନ ବେଳେ ପାକ୍ ଗୁଇନ୍ଦା ସଂସ୍ଥା ଆଇଏସଆଇର ମୁଖ୍ୟ କାବୁଲରେ ଥିଲେ । ତେବେ ତାଙ୍କ ହସ୍ତକ୍ଷେପରେ ସରକାର ଗଠନ ହୋଇଛି । ତାଲିବାନୀ ଗଢିଥିବା ସରକାରରେ ୧୪ ଜଣ ଆତଙ୍କବାଦୀ ତାଲିକାରେ ରହିଛନ୍ତି ।