ପିପିଲି ବିଜେପି ଅଫିସରେ ବୋମାମାଡ଼

ନିମାପଡ଼ା(ବଡ଼ ଖବର ବ୍ୟୁରୋ): ନିର୍ବାଚନ ପୂର୍ବରୁ ପିପିଲିରେ ହିଂସା । ଉପନିର୍ବାଚନକୁ ମାତ୍ର ୨ ଦିନ ଥିବାବେଳେ ପିପିଲି ବିଜେପି କାର୍ଯ୍ୟାଳୟରେ ବୋମାମାଡ଼ କରି କାର୍ଯ୍ୟାଳୟକୁ ପୋଡ଼ିବାକୁ ଦୁର୍ବୃତ୍ତ ଉଦ୍ୟମ କରିଛନ୍ତି । ଦୁବୃର୍ତ୍ତମାନେ ପିପିଲି ସାତଶଙ୍ଖ ବିଜେପି କାର୍ଯ୍ୟାଳୟ ପୋଡିବା ସହ ବିଅର ବୋତଲରେ ପେଟ୍ରୋଲ ପୁରାଇ ମାଡ଼ କରିଥିଲେ ।

ଫଳରେ ନିଆଁ ଲାଗିଯାଇଥିଲା । ବିଜେପି କର୍ମୀମାନେ ନିଆଁକୁ ଆୟତ୍ତ କରିଥିଲେ । ଯାହା ଫଳରେ ଏକ ବଡ଼ ଧରଣର ବିପଦ ଟଳି ଯାଇଥିଲା । ନିର୍ବାଚନ ପାଖେଇ ଆସୁଥିବା ବେଳେ ଏପରି ଘଟଣାକୁ ବିଜେପି ନେତାମାନେ ତୀବ୍ର ନିନ୍ଦା କରିଛନ୍ତି ।