କାବୁଲ(ବଡ଼ ଖବର ବ୍ୟୁରୋ): ଆଫଗାନିସ୍ଥାନକୁ ଜବରଦଖଲ କରିବା ପରେ ତାଲିବାନର ବର୍ବରତା ବଢିଚାଲିଛି । ଦିନକୁ ଦିନ ହିଂସ୍ର ହେଉଛି ତାଲିବାନ । ସୀମା ପାର କରି ଆଫଗାନିବାସୀଙ୍କୁ ନିର୍ଯାତନା ଦେଇଚାଲୁଛି । ଶେଷରେ ଛୋଟ ଛୁଆକୁ ବି ଛାଡୁନି ନିଷ୍ଠୁର ତାଲିବାନ । ଏବେ ତାଲିବାନର ଆଉ ଏକ କୃରତାର ଚିତ୍ର ସାମ୍ନାକୁ ଆସିଛି । ଜଣେ ଛୋଟ ଛୁଆର ମୁଣ୍ଡକୁ କାଟି ତାକୁ ହତ୍ୟା କରିଛି ତାଲିବାନ । ଖାଲି ଏତିକି ନୁହେଁ ଛୁଆର ବାପାକୁ ବି ଅତି ନିର୍ମମ ଭାବେ ହତ୍ୟା କରିଛି ତାଲିବାନ ସେନା । ଆଫଗାନିସ୍ତାନରେ ନିଜର ଆତଙ୍କ ଖେଳାଇ ଏବେ ସେଠାରେ ମନମୁଖୀ ଶାସନ ଚଳାଉଛି । କ୍ଷମତାକୁ ଆସିବା ପରେ ତାଲିବାନ ଏବେ ସେଠାରେ ଶିରିଆ ଆଇନକୁ କଡାକଡି କରିବାକୁ ଲାଗିପଡିଛି ।
ସୂଚନା ଅନୁଯାୟୀ, ତାଲିବାନ ସେନା ଜଣେ ଶିଶିକୁ ଅତି ନିଷ୍ଠୁର ଭାବେ ହତ୍ୟା କରିଛନ୍ତି । ଶିଶୁର ବାପା ଅ।।ଫଗାନ ରେସିଷ୍ଟେଣ୍ଟ ଫୋର୍ସର ସଦସ୍ୟ ଥିବା ସନ୍ଦେହ କରି ଶିଶୁକୁ ହତ୍ୟା କରିଛନ୍ତି । ଶିଶୁର ବାପାଙ୍କୁ ମଧ୍ୟ ତାଲିବାନ ସେନା ହତ୍ୟା କରିଥିବାର ସୂଚନା ମିଳିଛି । ତେବେ ସ୍ୱତନ୍ତ୍ର ମିଡିଆ ‘ପଞ୍ଜଶିର ଅବଜରଭର’ ପକ୍ଷରୁ ଏକ ଟୁଇଟ କରି ସୂଚନା ଦେଇଯାଇଛି । ଟୁଇଟରେ ଲେଖା ଯାଇଛି ଯେ, ଆଫଗାନର ରେସିଷ୍ଟାଣ୍ଟ ଫୋର୍ସ ଥିବା ସନ୍ଦେହରେ ଜଣେ ବ୍ୟକ୍ତି ଏବଂ ତାଙ୍କ ଶିଶୁକୁ ଅତି ନିଷ୍ଠୁର ଭାବେ ହତ୍ୟା କରିଛନ୍ତି ତାଲିବାନ ।ଏହା ପରେ ଶବକୁ କ୍ରେନ ସାହାର୍ଯ୍ୟରେ ବିଚ ରାସ୍ତା ଉପରେ ଟାଙ୍ଗି ଦେଇଥିଲେ । ଦୀର୍ଘ ସମୟ ଧରି ସେମାନଙ୍କ ଶବ ସେଠାରେ ପଡି ରହିଥିବା ଜଣାପଡିଥିଲା ।
