ନଭେମ୍ବର ୧୭ରେ ମୋଦୀ-ଜିନପିଙ୍ଗ ମୁହାଁମୁହିଁ
ନୂଆଦିଲ୍ଲୀ, (ବଡ଼ ଖବର ବ୍ୟୁରୋ) : ନଭେମ୍ବର ୧୭ରେ ଅନୁଷ୍ଠିତ ହେବ ବ୍ରିକ୍ସ ସମ୍ମିଳନୀ । ଦ୍ୱାଦଶ ବ୍ରିକ୍ସ ସମ୍ମିଳନୀ ଭିଡିଓ କନଫରେନ୍ସିଂ ମାଧ୍ୟମରେ ଅନୁଷ୍ଠିତ ହେବ । ଭାରତରେ ଥିବା ରୁଷ୍ ଦୂତାବାସ ପକ୍ଷରୁ ଏହି ସୂଚନା ଦିଆଯାଇଛି । ବ୍ରିକ୍ସ ଦେଶର ନେତାଙ୍କ ବୈଠକରେ ‘ଗ୍ଲୋବାଲ୍ ସ୍ଥିରତା, ସୁରକ୍ଷା ଏବଂ ନୂତନ ବିକାଶ ପାଇଁ ବ୍ରିକ୍ସ ସହଭାଗୀତା’ ସମ୍ପର୍କରେ ଆଲୋଚନା ହେବ ।
ଭାରତ ଏବଂ ଚୀନ୍ ମଧ୍ୟରେ ତିକ୍ତତା ଲାଗି ରହିଛି। ଦୁଇ ଦେଶ ମଧ୍ୟରେ ତିକ୍ତତା ହ୍ରାସ କରିବାକୁ ଉଦ୍ୟମ ଚାଲିଛି । ଏହି ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଚୀନ୍ ରାଷ୍ଟ୍ରପତି ସି ଜିନପିଙ୍ଗ ୧୭ ନଭେମ୍ବରରେ ବ୍ରିକ୍ସ ବୈଠକରେ ମୁହାଁମୁହିଁ ହୋଇପାରନ୍ତି। ଭିଡିଓ କନଫରେନ୍ସିଂ ମାଧ୍ୟମରେ ଦୁଇ ନେତା ପରସ୍ପରକୁ ଭେଟିବେ।
ପାଞ୍ଚଟି ଦେଶ ବ୍ରାଜିଲ, ୠଷ, ଭାରତ, ଚୀନ୍ ଏବଂ ଦକ୍ଷିଣ ଆଫ୍ରିକାର ମୁଖ୍ୟମାନେ ହିଁ ବ୍ରିକ୍ସ ସମ୍ମିଳନୀରେ ଯୋଗଦେବେ । ୨୦୨୦ ଜୁଲାଇ ୨୧ ରୁ ୨୩ ତାରିଖ ମଧ୍ୟରେ ସେଣ୍ଟ ପିଟର୍ସବର୍ଗରେ ଏହି ବୈଠକ ଅନୁଷ୍ଠିତ ହେବ ବୋଲି ପୂର୍ବରୁ ଚୂଡାନ୍ତ ହୋଇଥିଲା । କିନ୍ତୁ କରୋନା ମହାମାରୀ ହେତୁ ଏହାକୁ ସ୍ଥଗିତ ରଖାଯାଇଥିଲା।