ପ୍ରେମିକ ଦେହରେ ନିଆଁ ଲଗାଇଦେଲା ପ୍ରେମିକା

ଜଗତସିଂହପୁର (ବଡ଼ ଖବର ବ୍ୟୁରୋ): ନାଉଗାଁ ଥାନା ଗଙ୍ଗଦା ଗାଁରେ ପ୍ରେମ ବ୍ୟାପରକୁ ନେଇ ଘଟିଛି ଅଘଟଣ । ନିଆଁରେ ପୋଡ଼ି ହୋଇ ଜଣେ ଯୁବକ ଗୁରୁତର ହୋଇଛନ୍ତି । ଗୁରୁତର ଯୁବକ ଢେଙ୍କାନାଳ ଭୁବନ ଅଞ୍ଚଳର ବିପିନି କୁମାର ସାହୁ । ଗଙ୍ଗଦା ହାଟରେ ଭଡ଼ା ରହି ମାର୍ବଲ ମିସ୍ତ୍ରୀ କାମ କରୁଥିଲେ ।

ସେହି ଅଞ୍ଚଳର ଜଣେ ଯୁବତୀଙ୍କୁ ପ୍ରେମ କରୁଥିଲେ । କୌଣସି କାରଣରକୁ ନେଇ ବିବାଦ ହୋଇଥିଲା। ଯୁବତୀ ଆଜି ତାଙ୍କୁ ଡ଼ାକି ତାଙ୍କ ଉପରକୁ ପେଟ୍ରୋଲ ପକାଇଥିଲେ । ପରେ ନିଆଁ ଲଗାଇ ଦେଇଥିଲେ । ତେବେ ଘଟଣାର ସଠିକ ଖବର ଜଣାପଡ଼ି ନାହିାଁ ସମ୍ପୃକ୍ତ ଯୁବକଙ୍କ ଅବସ୍ଥା ଗୁରୁତର ଥିବା ବେଳେ ତାଙ୍କୁ ପ୍ରଥମେ ନାଉଗାଁ ସ୍ୱାସ୍ଥ୍ୟ କେନ୍ଦ୍ର ଓ ପରେ କଟକ ସ୍ଥାନାନ୍ତର କରାଯାଇଛି । ନାଉଗାଁ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।