ପିପିଲି (ବଡ଼ ଖବର ବ୍ୟୁରୋ): ପିପିଲି ଉପ ନିର୍ବାଚନ ରେଜଲ୍ଟ ପାଇଁ ଆସନ୍ତା କାଲି ଭୋଟ ଗଣତି ହେବ । କୋଭିଡ ଗାଇଡ ଲାଇନ ଭିତରେ ଗଣତି ହେବ ଭୋଟ । ସକାଳ ୮ ଟାରୁ ଗଣତି ଆରମ୍ଭ ହେବ । ପୁରୀର ପେଣ୍ଠକଣ୍ଟା ଇଭିଏମ ୱେୟାର ହାଉସରେ ଭୋଟି ଗଣତି ହେବ । ପ୍ରଥମେ ପୋଷ୍ଟାଲ ବାଲାଟ ଗଣତି ହେବ । ସକାଳ ୮ ଟା ୩୦ ରୁ ଇଭିଏମ ଭୋଟ କାଉଣ୍ଟିଙ୍ଗ ହେବ । ଦୁଇଟି ହଲରେ ଇଭିଏମ ଏବଂ ଗୋଟିଏ ହଲରେ ବାଲାଟା ଭୋଟ ଗଣତି ହେବ ।
ଇଭିଏମ ପାଇଁ ଗୋଟିଏ ହଲରେ ୭ ଟି ଲେଖାଏଁ ଟେବୁଲ ପଡିବ । ଦୁଇଟି ହଲରେ ୧୪ ଟି ଟେବୁଲ ରହିବ । ଭୋଟ ଗଣତି କରିବା ପାଇଁ ୬୨ ଜଣ କର୍ମଚାରୀ ନିୟୋଜିତ ରହିବେ । ମୋଟ ୩୪୮ ଟି ବୁଥରେ ଭୋଟି ଗ୍ରହଣ ହୋଇଥିଲା । ୫ ଟି ଟେବୁଲରେ ରେଜଲ୍ଟ ଓ ଭିଭିପାଟ ମ୍ୟାଚ ହେବ । ପିପିଲି ଉପ ନିର୍ବାଚନ କାଉଣ୍ଟିଙ୍ଗର ପ୍ରତିଟି ଅପଡେଟ ନିର୍ବାଚନ ଅଧିକାରୀଙ୍କ ୱେବସାଇଟ ଉପଲବ୍ଧ ହେବ । ଭୋଟ ଗଣତି ପାଇଁ ତ୍ରୀସ୍ତରୀୟ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।
