ରାୟଗଡ (ବଡ଼ ଖବର ବ୍ୟୁରୋ): ଗଜପତି ଜିଲ୍ଲା ରାୟଗଡ ବ୍ଲକ ବିଜେପି ପକ୍ଷରୁ ବ୍ଲକ ଅଫିସ ଘେରାଉ । ରାଜ୍ୟ ସରକାରଙ୍କ ମନମୁଖୀ ଶାସନ ଓ ପ୍ରଶାସନର ମାରଣା ନୀତିକୁ ବିରୋଧ କରି ବ୍ଲକ ଅଫିସ ଘେରାଉ କରାଯାଇଛି । ବିଜେପି ନେତା ବଳରାମ ଭୂୟାଁଙ୍କ ନେତୃତ୍ୱରେ ଏହି ବ୍ଲକ ଘେରାଉ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ରାଜ୍ୟରେ ବଢୁଥିବା ଦୁର୍ନୀତି, ନାରୀ ଧର୍ଷଣ, ଆବାସ ଦୁର୍ନୀତି, ସରକାରୀ କର୍ମଚାରୀଙ୍କ ଦ୍ୱାରା ପଞ୍ଚାୟତରୁ ଆରମ୍ଭ କରି ଜିଲ୍ଲା ପର୍ଯ୍ୟନ୍ତ ସରକାରଙ୍କ ଗୋଲାମୀକରି, ଗରୀବଙ୍କୁ ଦଳୀୟ ପାତରଅନ୍ତର କରୁଥିବା ଅଭିଯୋଗ କରି ବହୁ ବିଜେପି ନେତା ବ୍ଲକ ଅଫିସ ଘେରାଉ କରିଛନ୍ତି । ବିଜେପି ନେତା ମାନେ ବ୍ଲକ ଆଗରେ ଭିଡ ବାନ୍ଧି ବ୍ଲକରେ ହେଉଥିବା ଦୂର୍ନୀତିକୁ ଡାକବାଜି ଯନ୍ତ୍ରରେ ପ୍ରକାଶ କରିଥିଲେ। ସେ ସବୁ ଦୁର୍ନୀତି ନ ହଟିଲେ ଆଗାମୀ ଦିନରେ ବଡ଼ ଧରଣର ଆନ୍ଦୋଳନ ହେବ ବୋଲି ଚେତାବନୀ ମଧ୍ୟ ଦେଇଛନ୍ତି । ଏନେଇ ଗୋଷ୍ଠୀ ଉନ୍ନୟନ ଅଧିକାରୀଙ୍କ ଅନୁପସ୍ଥିତିରେ ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ପିତାମ୍ବର ବେହେରାଙ୍କୁ ଏକ ସ୍ମାରକ ପତ୍ର ମଧ୍ୟ ପ୍ରଦାନ ହୋଇଛି ।

Leave a Reply

Your email address will not be published. Required fields are marked *