ବାଜି ମାରିଲେ ଦିଦି

ଭବାନୀପୁର (ବଡ଼ ଖବର ବ୍ୟୁରୋ): ବାଜି ମାରିଲେ ଦିଦି । ଭବାନୀପୁର ଆସନରୁ ଜିତିଲେ ଦିଦି । ଭବାନୀପୁରରେ ୫୮ ହଜାର ୮୩୨ ରୁ ଅଧିକ ଭୋଟରେ ଜିତିଛନ୍ତି । ୧୯ ତମ ରାଉଣ୍ଡ ଗଣତି ଶେଷ ସୁଦ୍ଧା ମମତା ଆଗରେ ରହିଥିଲେ ।  ବିଜେପିର ପ୍ରିୟଙ୍କା ଟିବ୍ରେୱାଲଙ୍କୁ ହରାଇଲେ ଦିଦି । ଦିଦିଙ୍କୁ ମୋଟ ୮୪୭୦୯ ମିଳିଥିବାବେଳ ପ୍ରିୟଙ୍କାଙ୍କୁ ମିଳିଲା ୨୬୩୨୦ ଭୋଟ ।

ଆଉ ଏହାସହ ମମତାଙ୍କ ବିଜୟ ଏକପ୍ରକାର ନିଶ୍ଚିତ ହୋଇସାରିଥିଲା । ମମତାଙ୍କ ବାସଭବନ ଆଗରେ ଟିଏମସି କର୍ମୀ ଉତ୍ସବ ମନାଇବା ସହ ମିଠା ଖୁଆଇ ପରସ୍ପରକୁ ଅଭିନନ୍ଦନ ଜଣାଉଛନ୍ତି ।ଭୋଟ ଗଣତି ଆରମ୍ଭରୁ ହିଁ ଦିଦି ଆଗରେ ରହିଥିଲେ । ପ୍ରତି ରାଉଣ୍ଡରେ ମମତା ବାନାର୍ଜୀ ଲିଡ୍‌ କରୁଥିଲେ । କଡା ଟକ୍କର ହେବା ନେଇ ଶୁଣାଯାଉଥିଲେ ବି ଦିଦି କିନ୍ତୁ ଏକ ପାଖିଆ ଭାବେ ବିଜୟୀ ହୋଇଛନ୍ତି ।