ବଢୁଛି ପେଟ୍ରୋଲ, ଡିଜେଲ ଦର
ଭୁବନେଶ୍ୱର(ବଡ଼ ଖବର ବ୍ୟୁରୋ): ଲଗାତର ୪ ଦିନ ଧରି ବଢୁଛି ପେଟ୍ରୋଲ ଓ ଡିଜେଲ ଦର । ରବିବାର ମଧ୍ୟ ପେଟ୍ରୋଲରେ ଲିଟର ପିଛା ୨୬ ପଇସା ଓ ଡିଜେଲ ପିଛା ୩୦ ପଇସା ବୃଦ୍ଧି ହୋଇଛି । ଭୁବନେଶ୍ୱରରେ ପେଟ୍ରୋଲ ମୂଲ୍ୟ ଲିଟର ପିଛା ୧୦୩ ଟଙ୍କା ୨୭ ପଇସାରେ ପହଞ୍ଚି ରେକର୍ଡ ସୃଷ୍ଟି କରିଛି । ସେହିଭଳି ଡିଜେଲର ମୂଲ୍ୟ ୯୮.୯୮ ପଇସା ହୋଇଛି । ଭାରତର ସବୁ ସହରରେ ପେଟ୍ରୋଲର ମୂଲ୍ୟ ୧୦୦ଟଙ୍କା ଅତିକ୍ରମ କରିଛି ।
ଭାରତୀୟ ତୈଳ ନିଗମ ପକ୍ଷରୁ କୁହାଯାଇଛି ଯେ ଅଶୋଧିତ ତୈଳଦର ବିଶ୍ୱ ବଜାରରେ ବୃଦ୍ଧି ପାଉଥିବାରୁ ଏହି ପରିସ୍ଥିତି ସୃଷ୍ଟି ହୋଇଛି । ଦିଲ୍ଲୀରେ ପେଟ୍ରୋଲର ୧୦୨ ଟଙ୍କା ୩୯ ପଇସା ହୋଇଥିବା ବେଳେ ଡିଜେଲ ୯୦ ଟଙ୍କା ୭୭ ପଇସା, କୋଲକତାରେ ପେଟ୍ରୋଲ ୧୦୩ ଟଙ୍କା ୭ ପଇସା, ଡିଜେଲ ୯୩ ଟଙ୍କା ୮୭ ପଇସା, ମୁମ୍ବାଇରେ ପେଟ୍ରୋଲ ୧୦୮ଟଙ୍କା ୪୩ ପଇସା, ଡିଜେଲ ୯୮ ଟଙ୍କା ୪୮ ପଇସା ।