ପୀଡିତଙ୍କ ପରିବାରକୁ ଭେଟିବାକୁ ଯାଇଥିବା ପ୍ରିୟଙ୍କା ଗାନ୍ଧୀ ଅଟକ

(ବଡ଼ ଖବର ବ୍ୟୁରୋ): ୟୁପିର ଲକ୍ଷ୍ମୀପୁରରେ ମନ୍ତ୍ରୀଙ୍କ କାରକେଡ ଚାପାରେ ୮ ମୃତ୍ୟୁ ଘଟଣା । ଏବେ ଉଗ୍ର ରୂପ ନେବାରେ ଲାଗିଛି । ଖେରୀରେ ଚାଷୀଙ୍କ ପ୍ରଦର୍ଶନ ସମୟରେ କେନ୍ଦ୍ର ଗୃହ ରାଷ୍ଟ୍ରମନ୍ତ୍ରୀ ଅଜୟ ମିଶ୍ରାଙ୍କ କାର ଚାଷୀଙ୍କ ଉପରେ ମାଡିଯିବାରୁ ୨ ଚାଷୀଙ୍କର ମୃତ୍ୟୁ ହୋଇଥିଲା ।

ପରେ ସେଠାରେ ହିଂସାକାଣ୍ଡ ଘଟି ୬ ଜଣ ପ୍ରାଣ ହରାଇଛନ୍ତି । ତେବେ ପୀଡ଼ିତା ଚାଷୀଙ୍କୁ ଭେଟିବାକୁ ଯାଉଥିବା ବେଳେ କଂଗ୍ରେସ ସାଧାରଣ ସଂପାଦକ ପ୍ରିୟଙ୍କା ଗାନ୍ଧୀଙ୍କୁ ଅଟକ ରଖାଯାଇଛି । ଘଟଣାରେ ପୋଲିସର ପଦକ୍ଷେପକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ପ୍ରିୟଙ୍କା ଗାନ୍ଧୀ । ସେପଟେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଘଟଣାରେ ଦୁଖଃ ପ୍ରକାଶ କରିବା ସହିତ କଠୋର ବୟାନ ଦେଇଛନ୍ତି । ଘଟଣାର ତଦନ୍ତ କରାଯାଇ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି।