ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ବଢୁଛି ଆର୍ୟନଙ୍କ ଅଡୁଆ। ଡ୍ରଗ୍ସ ମାମଲାରେ ପ୍ରତିଦିନ ଖୋଲୁଛି ନୂଆ ନୂଆ ଖିଅ । ଶାହରୁଖଙ୍କ ପୁଅ ସମେତ ବର୍ତ୍ତମାନ ୧୧ ଜଣଙ୍କୁ ଗିରଫ କରିଛି ଏନ୍ସିବି । ଆଜି ଗିରଫ ୩ ଜଣଙ୍କ ମଧ୍ୟରେ ଜଣେ ଓଡ଼ିଆ ଥିବା ସୂଚନା ରହିଛି। ଗୋଆ ଯାଉଥିବା ରେଭ୍ ପାର୍ଟିରେ ଷ୍ଟାର୍ କିଡଙ୍କ ସମ୍ପୃକ୍ତି ନେଇ ଆଧିକ ଖୋଳତାଡ୍ ଚାଲିଛି । ଏଥିସହ ଜାହାଜ ସହିତ ଜଡ଼ିତ ଅଧିକାରୀଙ୍କୁ ଅକ୍ଟୋବର ୨ ତାରିଖର ଚିଠି ମାଗିଛି ଏନ୍ସିବି ।
ଡ୍ରଗ୍ସ ମାମଲାର ନୂଆ ଖୁଲାସା। NCB ଗିରଫ କରିଥିବା ଅଭିଯୁକ୍ତଙ୍କ ମଧ୍ୟରେ ଜଣେ ଓଡ଼ିଆ ଥିବା ସୂଚନା । ମୁମ୍ବାଇରୁ ଗୋଆ ଯାଉଥିବା ରେଭ୍ ପାର୍ଟି ମାମଲାରେ ଦୁଇ ଜଣ ସନ୍ଦିଗ୍ଧଙ୍କୁ ଏନ୍ସିବି ଗିରଫ କରିଥିଲା। ସେମାନଙ୍କ ମଧ୍ୟରୁ ଜଣେ ଅଭିଯୁକ୍ତଙ୍କ ଘର ଓଡ଼ିଶାରେ ବୋଲି ସୂଚନା ମିଳିଛି । ଗିରଫ ଅଭିଯୁକ୍ତଙ୍କ ନିକଟରୁ ଅଳ୍ପ ପରିମାଣର ଡ୍ରଗ୍ସ ମଧ୍ୟ ଜବତ ହୋଇଛି । ଏହାକୁ ମିଶାଇ ଏହି ମାମଲାରେ ମୋଟ ୧୧ ଜଣଙ୍କୁ ଗିରଫ କରାଯାଇଛି। ଏହି ପରିପ୍ରେକ୍ଷୀରେ ପୁଣି ଥରେ କ୍ରୁଜ୍ CEOଙ୍କୁ ସମନ୍ ଜାରି କରିଛି NCB । ଏଥିସହ ଜାହାଜ ସହିତ ଜଡିତ ଅଧିକାରୀଙ୍କୁ ଅକ୍ଟୋବର ୨ ତାରିଖର ଚିଠି ମାଗିଛି ଏନ୍ସିବି।
କ୍ରୁଜ୍ ଡ୍ରଗ୍ସ ପାର୍ଟି ମାମଲାରେ ଶାହାରୁଖଙ୍କ ପୁଅ ଆରୟନଙ୍କ ସମସ୍ୟା ବଢିବାରେ ଲାଗିଛି । ହେପାଜତ ସମୟକୁ ବଢାଇବାକୁ ନେଇ ମାଜିଷ୍ଟ୍ରେଟ୍, ଏନସିବି ଓ ଆରୟନଙ୍କ ଓକିଲଙ୍କ ମଧ୍ୟରେ ଦୀର୍ଘ ସମୟ ଧରି ଯୁକ୍ତି ହୋଇଥିଲା । ଆରୟନଙ୍କ ଫୋନରୁ କିଛି ଆପତ୍ତିଜନକ ତଥ୍ୟ ମିଳିଥିବା ଏନସିବି ଯୁକ୍ତିି ବାଢିଥିବାବେଳେ ଆରୟନଙ୍କ ଓକିଲ ମାନସିଂହ ଦେ ତାଙ୍କ ସପକ୍ଷରେ ଗୋଟେ ପରେ ଗୋଟେ ଦଲିଲ ଉପସ୍ଥାପନ କରିଥିଲେ । ଆରୟନଙ୍କ ଠାରୁ ଡ୍ରଗ୍ସ ତ ମିଳିନାହିଁ ତାହେଲେ ତାଙ୍କୁ କାହିଁକି ଅଯଥା କୋର୍ଟକୁ ଟଣାଯାଉଛି । ଏହା ବ୍ୟତୀତ ସେ ସିପରେ ଡ୍ରଗ୍ସ କାହିଁକି ବ୍ୟବସାୟ କାହିଁକି କରିବେ ସେ ତ ଚାହିଁଲେ ପୁରା ସିପକୁ କିଣିପାରିବେ ବୋଲି ଯୁକ୍ତି ବାଢିଥିଲେ ଓକିଲ ମାନସିଂହ ଦେ ।
ଅଧିକ ପଚରାଉଚୁରରା ପାଇଁ ଆରୟନଙ୍କ ସହ ଅରବାଜ୍ ମଚାଣ୍ଟ ଓ ମୁନମୁନ ଧମେଚାଙ୍କୁ ୭ ତାରିଖ ଯାଏଁ ହେପାଜତରେ ନେବାକୁ ନିର୍ଦ୍ଦେଶ ଦେଇଛନ୍ତି କିଲା କୋର୍ଟ ।
