ଭୁବନେଶ୍ୱର(ବଡ଼ ଖବର ବ୍ୟୁରୋ): ବରିଷ୍ଠ ସାମ୍ବାଦିକ ନବୀନ ଦାସଙ୍କ ପୁଅ ମନୀଷଙ୍କ ମୃତ୍ୟୁ ଘଟଣା ବର୍ତ୍ତମାନ ସାରା ରାଜ୍ୟରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । ଏନେଇ ନବୀନ ଦାସ ବଡ଼ ବୟାନ ଦେଇଛନ୍ତି । ତେବେ ମୋ ପୁଅକୁ ହତ୍ୟା କରାଯାଇଛି । କାହିିଁକିନା । ରବିବାର ଭୋର ୪ଟି ୧୧ଟାରେ ତା’ର ଶେଷ ଫୋନ ପାଇଥିଲି । ତାଙ୍କୁ ମାରଧର କରୁଥିବାର ସେ ମୋତେ କହିଥିଲା । ଏହା ମଧ୍ୟରେ ମନୀଷଙ୍କ ମୃତଦେହ କାଲି ପାତ୍ରପଡ଼ାର ଏକ ପୋଖରୀରୁ ମିଳିଥିଲା । ସେପଟେ ପୁଲିସ ଖବର ପାଇ ଘଟଣାର ତନାଘନା କରୁଛି ।
ପୁଲିସ ଉପରେ ମୋର ଯଥେଷ୍ଟ ଭରସା ଅଛି ଏବଂ ମୁଁ ଆଇନକୁ ସମ୍ନାନ ଦିଏ । ଆଶା କରୁଛି ହତ୍ୟାକାରୀଙ୍କୁ ପୁଲିସ ଖୁବଶୀଘ୍ର ସାମ୍ନାକୁ ଆଣିବ ବୋଲି ବରିଷ୍ଠ ସାମ୍ବାଦିକ ନବୀନ ଦାସ କହିଛନ୍ତି । ଅନ୍ୟପଟେ ମୃତ୍ୟୁ ପୂର୍ବରୁ ମନୀଷ ହୋଟେଲ ସାଉଥ ସିଟି ସିଲକୁ ଆସିଥିଲେ । ଏପରକି ବିଳମ୍ବିତ ରାତି ପର୍ଯ୍ୟନ୍ତ ହୋଟେଲରେ ମନୀଷ ଥିବାର ସୂଚନା ମିଳିଛି । ସେପଟେ ହୋଟେଲର ସିସିଟିଭି ଫୁଟେଜକୁ ତମାଣ୍ଡୋ ପୁଲିସ ଜବତ କରିଥିବାର ସୂଚନା ମିଳିଛି ।
