![](https://i0.wp.com/badakhabar.in/wp-content/uploads/2020/10/59500338-f93e-4de4-ae2d-42d9354231e0.jpg?fit=700%2C400&ssl=1)
ଦୁବାଇ, (ବଡ଼ ଖବର ବ୍ୟୁରୋ) : ଗତକାଲି ଆଇପିଏଲର ୧୯ତମ ମ୍ୟାଚରେ ମୁହାଁମୁହିଁ ହୋଇଥିଲେ ବିରାଟ କୋହଲିଙ୍କ ନେତୃତ୍ୱାଧୀନ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଓ ଶ୍ରେୟାସ୍ ଆୟରଙ୍କ ନେତୃତ୍ୱାଧୀନ ଦିଲ୍ଲୀ କ୍ୟାପିଟାଲ୍ସ । ମ୍ୟାଚକୁ ଦିଲ୍ଲୀ ୫୯ ରନରେ ବାଙ୍ଗାଲୋରକୁ ପରାସ୍ତ କରିଥିଲା । ମ୍ୟାଚରେ ସବୁଠୁ ଚର୍ଚ୍ଚାର ବିଷୟ ପାଲଟିଥିଲେ ଅଶ୍ୱିନ୍ । ଅଶ୍ୱିନ୍ ବୋଲିଂ କରିବା ସମୟରେ ବାଙ୍ଗାଲୋରର ପ୍ରାରମ୍ଭିକ ବ୍ୟାଟ୍ସମ୍ୟାନ ଆରୋନ ଫିଞ୍ଚ ନନ୍ ଷ୍ଟ୍ରାଇକରରେ ଥିଲେ । ସେ ବୋଲିଂ କରିବା ପୂର୍ବରୁ ଫିଞ୍ଚ ନନ୍ ଷ୍ଟ୍ରାଇକର କ୍ର୍ରିଜର ଆଗକୁ ପଳାଇଥିଲେ । ଅଶ୍ୱିନ୍ ଫିଞ୍ଚଙ୍କୁ ରନ ଆଉଟ(ମଙ୍କେଡ଼ିଂ)ନ କରି ଚେତାବନୀ ଦେଇଥିଲେ ।
Let’s make it clear !! First and final warning for 2020. I am making it official and don’t blame me later on. @RickyPonting #runout #nonstriker @AaronFinch5 and I are good buddies btw.😂😂 #IPL2020
— Ashwin 🇮🇳 (@ashwinravi99) October 5, 2020
୨୦୧୯ ଆଇପିଏଲରେ ପଞ୍ଜାବ ଓ ରାଜସ୍ଥାନ ମଧ୍ୟରେ ଖେଳାଯାଉଥିବା ମ୍ୟାଚରେ ପଞ୍ଜାବ ଅଧିନାୟକ ଥିବା ଅଶ୍ୱିନ୍ ରାଜସ୍ଥାନ ବ୍ୟାଟ୍ସମ୍ୟାନ ଜସ୍ ବଟଲରଙ୍କୁ ମଙ୍କେଡ଼ିଂ କରି ଆଉଟ କରିଥିଲେ ।ଏହି ଘଟଣା ପରେ ଅଶ୍ୱିନଙ୍କ ଉପରେ ବହୁ କ୍ରୀଡ଼ାବିତ୍ ପ୍ରଶ୍ନ ମଧ୍ୟ ଉଠାଇଥିଲେ । ଚଳିତ ବର୍ଷ ମଧ୍ୟ ଠିକୁ ଏହି ଭଳି ଦୃଶ୍ୟ ଦେଖିବାକୁ ମିଳିଥିଲା କିନ୍ତୁ ଆଉଟ ନକରି ଚେତାବନୀ ଦେଇଥିଲେ । ମ୍ୟାଚ ପରେ ଅଶ୍ୱିନ୍ ଟ୍ୱୁଟ୍ କରି କହିଛନ୍ତି କି ଏହା ୨୦୨୦ ପାଇଁ ପ୍ରଥମ ଏବଂ ଅନ୍ତିମ ଚେତାବନୀ । ମୁଁ ଏହାକୁ ଅଫିସିଆଲ୍ କରୁଛି ଏବଂ ପରେ ମୋତେ କେହି ଦୋଷ ଦେବ ନାହିଁ ।