୭ଟି ନୂତନ ପ୍ରତିରକ୍ଷା କମ୍ପାନୀକୁ ଦେଶ ପାଇଁ ଉତ୍ସର୍ଗ କଲେ ମୋଦି
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ପବିତ୍ର ଦଶହରା ଉପଲକ୍ଷେ ସମଗ୍ର ଦେଶବାସୀଙ୍କୁ ପ୍ରଧାନମନ୍ତ୍ରୀ ସମ୍ବୋଧିତ କରିଛନ୍ତି । ତେବେ ଅଡିନେଂସ ଫେକ୍ଟରୀ ବୋର୍ଡର ୭ଟି ନୂତନ ପ୍ରତିରକ୍ଷା କମ୍ପାନୀକୁ ଦେଶ ପାଇଁ ଉତ୍ସର୍ଗ କରିଛନ୍ତି ମୋଦି । ଏହି ୭ଟି ନୂତନ କମ୍ପାନୀର ଏହି ଉନ୍ମୋଚନ ଦେଶର ୪୧ଟି ଅଡିନେଂସ ଫେକ୍ଟରୀ ନବୀକରଣ କରିବାର ଏକ ଅଂଶ । ସେପଟେ ଗତ ୧୫-୨୦ ବର୍ଷ ଧରି ଏହା ବିଚାରାଧୀନ ହୋଇ ରହିଥିଲା ।
ଏହା ସହ ଏହି ସାତଟି କମ୍ପାନୀ ଭବିଷ୍ୟତରେ ଭାରତର ସାମରିକ ଶକ୍ତିର ଏକ ପ୍ରମୁଖ ଆଧାର ହେବ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି । କେବଳ ଏତିକି ନୁହେଁ ବରଂ କରୋନାକୁ ନେଇ ମଧ୍ୟ ପ୍ରଧାନମନ୍ତ୍ରୀ କହିଥିବାର ଦେଖିବାକୁ ମିଳିଛି । ତେବେ କରୋନାର କଷ୍ଟଦାୟକ ସମୟରେ ବର୍ତ୍ତମାନ ଭାରତର ଅର୍ଥନୀତିର ମେରୁଦଣ୍ଡ ଧିରେ ଧିରେ ସିଧା ହେବାରେ ଲାଗିଛି । ଏନେଇ ନିକଟରେ ଏକ ବିଶ୍ୱ ସଂସ୍ଥା ମଧ୍ୟ ଭାରତରେ ବଢୁଥିବା ଦ୍ରୁତ ଅର୍ଥନୀତି ଉପରେ କହିଥିବାର ଦେଖିବାକୁ ମିଳିଥିଲା ।