କଇଁଫୁଲ ତୋଳିବାକୁ ଯାଇ ବୁଡିଗଲେ ଦୁଇ ଭାଇ

ଯାଜପୁର(ବଡ଼ ଖବର ବ୍ୟୁରୋ):  ଜୋରରେ ବୁଡିଗଲେ ଦୁଇ ନାବାଳକ । କଇଁ ଫୁଲ ତୋଳିବାକୁ ଯାଇ ବୁଡିଗଲେ ଦୁଇ ଭାଇ । ତେବେ ଏଭଳି ଏକ ଅଭାବନୀୟ ଘଟଣା ଯାଜପୁର ଜିଲ୍ଲା ମଙ୍ଗଳପୁର ଥାନା ଅଞ୍ଚଳରେ ଘଟିଛି । ମଙ୍ଗଳପୁର ଥାନା ତରପଦା ପଞ୍ଚାୟତ ଗୋପକୂଳ ଗାଁର କୁନି ଜେନାଙ୍କ ପୁଅ ବିଭୁତି ଜେନା ଓ ଉମା ଜେନାଙ୍କ ପୁଅ ଦିବ୍ୟ ରଞ୍ଜନ ଜେନା କଇଁ ଫୁଲ ତୋଳିବାକୁ ବୈତରଣୀ ନଦୀର କୁଟୁରିଆଠାରେ ଥିବା ଜୋରକୁ ଯାଇଥିଲେ ।

ତେବେ ସେଠାରେ ପାଣି ଅଧିକ ଥିବାରୁ ସେମାନେ ବୁଡି ଯାଇଥିଲେ । ତେବେ ଦୀର୍ଘ ସମୟ ଧରି ଘରକୁ ନ ଫେରିବାରୁ ପରିବାର ଲୋକେ ଖୋଜାଖୋଜି କରିଥିଲେ । ପରେ ଜୋରରେ ଖୋଜିବାରୁ ସେମାନେ ଦୁଇ ଭାଇଙ୍କ ମୃତଦେହ ଭାସୁଥିବାର ଦେଖିଥିଲେ । ଦୁଇ ଭାଇଙ୍କ ମୃତ ଦେହକୁ ଉଦ୍ଧାର କରାଯାଇଛି ।