ଟିକାକରଣରେ ରାଜ୍ୟକୁ ସଫଳତା

ଭୁବନେଶ୍ୱର(ବଡ଼ ଖବର ବ୍ୟୁରୋ): କରୋନା ଟିକାକରଣ କ୍ଷେତ୍ରରେ ରାଜ୍ୟକୁ ମିଳିଛି ସଫଳତା । ରାଜ୍ୟରେ କୋଟିଏ ଲୋକ କୋଭିଡ ଟିକାର ଉଭୟ ଡୋଜ ନେଇଛନ୍ତି । ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ବିଭାଗ ପକ୍ଷରୁ ଟ୍ୱିଟ କରି ସୂଚନା ଦିଆଯାଇଛି । କରୋନା ମହାମାରୀ ପାଇଁ ରାଜ୍ୟରେ ସରକାରା ସଟଡାଉନ ଓ ଲକଡାଉନ ଘୋଷଣା କରିଥିଲେ ।

ତେବେ କୋଭିଡ ଟିକାକରଣ ପରେ ଧିରେ ଧିରେ ସବୁଠି ସଟଡାଉନ ଓ ଲକଡାଉନ ଖୋଲୁଛି । ଏବେ ଆୟତ୍ତକୁ ଆସୁଛି କରୋନା । ସରକାର ଜାରି କରିଥିବା ଗାଇଡଲାଇନ ଅନୁସାରେ ଏବେ ଦୋକାନ ବଜାର ଖୋଲୁଛି । ଲୋକମାନେ କୋଭିଡ ଗାଇଡଲାଇନ ମାନି କିଣାକିଣି କରୁଛନ୍ତି । ତେବେ ଦେଖିବାକୁ ଗତ ୨୪ ଘଣ୍ଟା ତଳେ ସୂଚନା ଓ ଲୋକସମ୍ପର୍କ ବିଭାଗ ପ୍ରକାଶ କରିଥିବା ରିପୋର୍ଟ ଅନୁସାରେ ୩୪୦ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେଥିରୁ ୫୦ ଜଣ କ୍ୱାରେଣ୍ଟାଇନରୁ ଥିବା ବେଳେ ୧୯୯ ଜଣ ଲୋକାଲ କେସ ରହିଛି ।