୪୩ ବର୍ଷରେ ପାଦ ଥାପିଲେ ସେହୱାଗ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ନିଜର ବିସ୍ଫୋରକ ବ୍ୟାଟିଂ ପାଇଁ ସାରା ବିଶ୍ୱରେ ବେଶ ପରିଚିତ ବିରେନ୍ଦ୍ର ସେହୱାଗ । ବିଶ୍ୱର ଅନେକ ପ୍ରସିଦ୍ଧ ବୋଲରଙ୍କୁ ନିଜ ବ୍ୟାଟିଂ ଫଳରେ ଚିତ କରିଦେଇଛନ୍ତି ସେହୱାଗ । ପ୍ରଥମରୁ ହିଁ କିପରି ବୋଲରଙ୍କୁ ବ୍ୟାଟ୍ସମ୍ୟାନ ଉପରେ ହାବି ହେବାକୁ ଦିଆଯାଏ ନାହିଁ, ତାହା ସାରା ବିଶ୍ୱ ତାଙ୍କ ପାଖରୁ ଶିଖିଛି । ସେପଟେ ଭାରତୀୟ ଦଳର ଓପନର ବ୍ୟାଟ୍ସମ୍ୟାନ ଥିଲେ ସେହୱାଗ । ତାଙ୍କ ସହ ସାଥ ଦେଉଥିଲେ ମାଷ୍ଟରବାଷ୍ଟର ସଚିନ ତେନ୍ଦୁଲକର ।
On the field or off the field, entertainment and laughs never stop when you have Viru around.
Happy birthday opening partner! pic.twitter.com/TBfJqj1Nm1
— Sachin Tendulkar (@sachin_rt) October 20, 2021
ତାଙ୍କ ଯୋଡ଼ି ଏତେ ପପୁଲାର ଥିଲା ଯେ ଉଭୟଙ୍କୁ ଜୟ ଓ ଭୀରୁର ଆଖ୍ୟା ଦିଆଯାଇଥିଲା । ଏହା ମଧ୍ୟରେ ବିରେନ୍ଦ୍ର ସେହୱାଗ ନିଜର ୪୩ ତମ ଜନ୍ମଦିନ ପାଳନ କରିଛନ୍ତି । ଏନେଇ ସାରା ବିଶ୍ୱରୁ ତାଙ୍କ ପାଇଁ ଶୁଭେଚ୍ଛାର ଶୁଅ ଛୁଟିବାରେ ଲାଗିଛି । ଯେତେବେଳେ ସେହୱାଗ ଦେଶ ପାଇଁ ଖେଳୁଥିଲେ ସେ ଅନେକ ରେକର୍ଡ ସ୍ଥାପନ କରିଛନ୍ତି । ୧୦୪ ଟେଷ୍ଟରୁ ମୋଟ ୮,୫୮୬ ରନ ସଂଗ୍ରହ କରିଥିଲେ । ସେହିପରି ୨୫୧ ଦିନିକିଆ ମ୍ୟାଚରୁ ୮,୨୭୩ ରନ ସଂଗ୍ରହ କରିଥିଲେ ।