ମମିତା ମୃତ୍ୟୁ ଘଟଣା, ସିନ ରିକ୍ରିଏସନ କରିବ ପୋଲିସ
ଭୁବନେଶ୍ୱର (ବଡ଼ ଖବର ବ୍ୟୁରୋ): ୫ ଦିନିଆ ରିମାଣ୍ଡରେ ମହାଲିଙ୍ଗ ସନସାଇନ ପବ୍ଲିକ ସ୍କୁଲର ଅଧ୍ୟକ୍ଷା ମମିତା ମେହେର ମୃତ୍ୟୁ ଘଟଣାର ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁ । ଗୋବିନ୍ଦକୁ ୫ ଦିନିଆ ରିମାଣ୍ଡରେ ନେଇଛି ବଲାଙ୍ଗିର ପୋଲିସ । ଉତ୍ତରାଞ୍ଚଳ ଡିଆଇଜିଙ୍କ ଉପସ୍ଥିତିରେ ଚାଲିଛି ପଚରାଉଚରା । ଗତକାଲି ରାତି ତମାମ ପଚରାଉଚରା କରାଯାଇଥିବା ସୂଚନା ।
ହତ୍ୟାକାଣ୍ଡରେ କିଏ କିଏ ସଂମ୍ପୃକ୍ତ? ମମିତାଙ୍କୁ ପୋତିବାରେ ତାକୁ ଆଉ କିଏ କିଏ ସହଯୋଗ କରିଥିଲେ? ମମିତାଙ୍କ ପାଖରେ ଏମିତି କେଉଁ ପ୍ରମାଣ ଥିଲା, ଯେଉଁଥିପାଇଁ ସବୁଦିନ ପାଇଁ ମମିତାଙ୍କୁ ରାସ୍ତାରୁ ହଟାଇବାକୁ ପଡ଼ିଥିଲା? ଗୋବିନ୍ଦ ସହ ଏହି ହତ୍ୟାକାଣ୍ଡ ପଛରେ ଆଉ କାହା କାହା ହାତ ଅଛି ତାର ଖୋଳତାଡ କରୁଛି ବଲାଙ୍ଗିର ପୋଲିସ । ଏହାସହ ଏହି ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁକୁ ଘଟଣାସ୍ଥଳକୁ ନେଇ ସିନ୍ ରିକ୍ରିଏସନ କରିବ ପୋଲିସ ।
ସ୍କୁଲର ଷ୍ଟାଡିୟମ ଭିତରେ କିଭଳି ପୋତି ଦିଆଯାଇଥିଲା ତାର ସିନ୍ ରିକ୍ରିଏସନ କରିବ ପୋଲିସ । ଗତକାଲି ଗୋବନ୍ଦ ହିଁ ମମିତାର ହତ୍ୟାକାରୀ ବୋଲି ପ୍ରେସମିଟ୍ କରି ସୂଚନା ଦେଇଥିଲେ ଉତ୍ତରାଞ୍ଚଳ ଡିଆଇଜି । ପରେ ତାକୁ ୭ ଦିନିଆ ରିମାଣ୍ଡରେ ଆଣିବା ପାଇଁ କୋର୍ଟରେ ଆବେଦନ କରାଯାଇଥିଲା । କିନ୍ତୁ କୋର୍ଟ ୫ ଦିନିଆ ରିମାଣ୍ଡ ମଞ୍ଜୁର କରିଥିଲେ ।