ପିଲାଙ୍କୁ ହୋମିଓପ୍ୟାଥି ଇମ୍ୟୁନିଟି ବୁଷ୍ଟର ଦେବା ପ୍ରସ୍ତାବକୁ ବିରୋଧ କଲେ ଡାକ୍ତର
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ସ୍କୁଲ ପିଲାଙ୍କୁ ହୋମିଓପ୍ୟାଥି ଇମ୍ୟୁନିଟି ବୁଷ୍ଟର ଦେବା ପ୍ରସ୍ତାବକୁ ଡାକ୍ତରମାନେ ବିରୋଧ କରିଛନ୍ତି । କେବଳ ବିରୋଧ ନୁହେଁ ବରଂ କେରଳର ଜଣେ ଡାକ୍ତର ଏହା ବିରୋଧରେ ହାଇକୋର୍ଟର ଦ୍ୱାରସ୍ଥ ହୋଇଛନ୍ତି । ତେବେ ଆର୍ସେନିକମ ଅଲବମ-୩୦ ସିଏଚ ଔଷଧକୁ ବିନା ପରୀକ୍ଷା ଛୋଟ ପିଲାଙ୍କୁ ଦେବା କ୍ଷତିକାରକ ସାବ୍ୟସ୍ତ ହେବାର ଆଶଙ୍କା ରହିଛି ବୋଲି ଡାକ୍ତରଙ୍କ ପକ୍ଷରୁ ଦାଖଲ ହୋଇଥିବା ଆବେଦନରେ ଉଲ୍ଲେଖ କରାଯାଇଛି ।
ସେପଟେ ରାଜ୍ୟ ସରକାର, ଶିକ୍ଷା ମନ୍ତ୍ରଣାଳୟ ଏବଂ ହୋମିଓପ୍ୟାଥି ନିର୍ଦ୍ଦେଶାଳୟ ପକ୍ଷରୁ ଛୋଟ ସ୍କୁଲ ପିଲାଙ୍କୁ କରୋନା ମହାମାରୀ ବିରୋଧରେ ଇମ୍ୟୁନିଟି ବୁଷ୍ଟର ଭାବେ ଆର୍ସେନିକ ଅଲବମ-୩୦ ସିଏଚ ଔଷଧ ଦେବାକୁ ପ୍ରସ୍ତାବ ଅଣାଯାଇଛି । ଏଥି ପାଇଁ ରାଜ୍ୟରେ କରୁଥାଲୋଡେ ମୁନୋଟ୍ଟୁ ଅଭିଯାନ ଆରମ୍ଭ ହେବାକୁ ଯାଉଛି ।