ଆରପିଏଫ କର୍ମଚାରୀଙ୍କୁ ହତ୍ୟା

ନୟାଗଡ଼ (ବଡ଼ ଖବର ବ୍ୟୁରୋ): ଆରପିଏଫ କର୍ମଚାରୀଙ୍କୁ ହତ୍ୟା କରି ଫ୍ୟାନରେ ଝୁଲାଇଦେଲେ କ୍ଷ ତଦନ୍ତ ଠିକରେ କରୁନି ରାୟପୁର ପୋଲିସ । ଏପଟେ ନିରପେକ୍ଷ ତଦନ୍ତ ପାଇଁ ଦାବି କରି ନୟାଗଡ଼ ଜିଲ୍ଲାପାଳଙ୍କୁ ଭେଟିଲେ ମୃତ ଆରପିଏଫ ଯବାନଙ୍କ ପରିବାର ଲୋକ । ଛତିଶଗଡ଼ ରାୟପୁର ମହାଶମୁଣ୍ଡ ଜିଲ୍ଲା ରେଲୱେ ଷ୍ଟେସନରେ କାର୍ଯ୍ୟରତ ଥିଲେ ମୃତ କର୍ମଚାରୀ । ମୃତକ ଜଣକ ହେଲେ ଆରପିଏଫ କର୍ମଚାରୀ ଆଲୋକ କୁମାର ସାହୁ । ଆଲୋକଙ୍କ ଘର ନୟାଗଡ଼ ଜିଲ୍ଲା ଶରଣକୁଳ ଥାନା ହରିହରପୁର ଗାଁ ରେ ।

ଗତ ୧୮ ତାରିଖରେ ଆଲୋକଙ୍କ ଶବ ଭଡାଘର ପଙ୍ଖାରେ ଏକ ରଶିରେ ଝୁଲି ରହିଥିବା ଦେଖିବାକୁ ମିଳିଥିଲା । ମାତ୍ର ଆଲୋକଙ୍କ ଶରୀରର ବିଭିନ୍ନ ସ୍ଥାନରେ କ୍ଷତ ସୃଷ୍ଟିହୋଇ ରକ୍ତ ଝରୁଥିବା ସହ ପାରିପାର୍ଶ୍ଵିକ ଅବସ୍ଥାରୁ କେହି ତାଙ୍କୁ ହତ୍ୟା କରି ଆତ୍ମହତ୍ୟାର ରୂପ ଦେବା ଉଦେଶ୍ୟରେ ଝୁଲାଇ ଦେଇଥିବା ସ୍ଥାନୀୟ ଥାନାରେ ଅଭିଯୋଗ କରିଛନ୍ତି ପରିବାର ଲୋକେ । ତେବେ ଘଟଣାର ବିଧିବଦ୍ଧ ତଦନ୍ତ ସହ ଦୋଷୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି ରଣପୁର ବିଧାୟକ ସତ୍ୟନାରାୟଣ ପ୍ରଧାନ ।