ପୋଲିସବାବୁଙ୍କ ଅଜବ ସଉକ

ସାଲେପୁର (ବଡ଼ ଖବର ବ୍ୟୁରୋ): କଥାରେ ଅଛି ଡ୍ୟୁଟି ଇଜ୍ ଗଡ୍ । ମୋଟା ଅଙ୍କର ଦରମା ପାଉଥିବା ପୁଲିସବାବୁ ଅଜବ ସଉକରେ ମାତିଛନ୍ତି । ଡ୍ୟୁଟି କରିବାକୁ ସରକାରଙ୍କଠାରୁ ଦରମା ପାଉଥିଲେ ମଧ୍ୟ ନିଜ କର୍ତ୍ତବ୍ୟକୁ ସେ ଭୁଲିଯାଇଛନ୍ତି । ଏଭଳି ଘଟଣା ଦେଖିବାକୁ ମିଳିଛି କଟକ ଜିଲ୍ଲାର ସାଲେପୁର ଅଞ୍ଚଳରେ । କୋଭିଡ୍ କଟକଣାକୁ ଲୋକେ ଅବମାନନା କରୁଥିବା ବେଳେ ପୋଲିସବାବୁ ଖୁଲମଖୁଲା ଟେବୁଲ ଉପରେ ଶୋଇ ମୋବାଇଲ ଦେଖୁଥିବାର ଦୃଶ୍ୟ ସମସ୍ତଙ୍କୁ ଚକିତ କରିଛି । ସାଲେପୁର ବ୍ଳକ କିଶନନଗର ଅଧୀନରେ ଥିବା ୧୦ଟି ବାଲିଘାଟ ନିଲାମ ହେଉଥିଲା । ସିଏମସି ମୂଲ୍ୟଠାରୁ ୩୬ଗୁଣ ଅଧିକ ମୂଲ୍ୟରେ ଟେଣ୍ଡର ପଡ଼ୁଥିଲା । ତହସିଲ ସାମନାରେ ଲୋକେ ଭିଡ଼ ଜମାଇଥିଲେ ।

ମାସ୍କ, ସମଦୂରତାକୁ ଲୋକେ ଫୁ କରିଦେଇଥିଲେ । ଭିଡ଼କୁ ଦୃଷ୍ଟିରେ ରଖି ପୋଲିସ ମୃତୟନ କରାଯାଇଥିଲେ ସୁଦ୍ଧା ବାବୁମାନେ କିନ୍ତୁ ଏସବୁକୁ ଦୃଷ୍ଟି ଦେଇନଥିଲେ । ସେମାନେ ନିଜ ନିଜ ଭିତରେ କଥା ହେଉଥିବା ଦେଖିବାକୁ ମିଳିଥିଲା ।