ଭୁବନେଶ୍ୱର (ବଡ଼ ଖବର ବ୍ୟୁରୋ): ମନିଷ ଅନୁରାଗ ହତ୍ୟା ମାମଲାରେ ସନ୍ଦେହର ବଳକୁ ଆସିଥିଲା ହୋଟେଲ ସାଉଥ ସିଟି । ବେନିୟମ ଭାବେ ଏହି ହୋଟେଲ ଚଳାଉଥିଲେ ମାଲିକ ପ୍ରସନ୍ନ ବେହେରା । ସେ ଜଣେ କମିଶନରେଟ ପୋଲିସର କନଷ୍ଟେବଲ । ଓଡ଼ିଶା କନଷ୍ଟେବଲ ଓ ହାବିଲଦାର ମହାସଂଘର ସଭାପତି ଥିବାରୁ ସମସ୍ତ ବେନିୟମ କାମ କରୁଥିଲା ପ୍ରସନ୍ନ ।
ତାଙ୍କୁ ଗିରଫ ପରେ ସରକାର ଚାକିରି ଛଡେଇ ନେଇଛନ୍ତି । ଜେଲ୍ରେ ଥିବା ପ୍ରସନ୍ନର ଘରେ ଭିଜିଲାନ୍ସ ରେଡ କରିଛି । ତା’ର ୫ଟି ଘରେ ଏକକାଳୀନ ଚଢାଉ ହୋଇଛି । କଳ୍ପନା ଛକରେ ଥିବା ବାସଭବନ, ଡୁମୁଡୁମାରେ ଥିବା ସ୍ପାର୍କ ଫର୍ଣ୍ଣିଚର, ଲିଙ୍ଗିପୁର ଶାନ୍ତି ବିହାରରେ ଫର୍ଣ୍ଣିଚର ଦୋକାନ, ପାତ୍ରପଡ଼ା ସାଉଥ ସିଟି ହୋଟେଲ ଓ ବାର, ଖୋର୍ଦ୍ଧା ଜିଲ୍ଲା ନୂଆପଡ଼ା ଗାଁରେ ଥିବା ଦୁଇଟି ଘରେ ଏକକାଳୀନ ରେଡ ଚାଲିଛି ।
