ବେଆଇନ ବାଣ ଗୋଦାମରେ ଚଢାଉ

ପିପିଲି (ବଡ଼ ଖବର ବ୍ୟୁରୋ): ବେଆଇନ୍ ବାଣ ଗୋଦାମ ଉପରେ ପୁଲିସର ଚଢାଉ । ଜଣେ ଅଟକ । ବିଶେଷ ସୂତ୍ରରୁ ଖବର ପାଇ ପୁରୀ ଜିଲ୍ଲା ଏସପି କେ ବିଶାଲ ସିଂଙ୍କ ନିର୍ଦ୍ଦେଶକ୍ରମେ ଡେଲାଙ୍ଗ ପୁଲିସ ପକ୍ଷରୁ ପିପିଲି ଏସଡିପିଓ ଦେବଦତ୍ତ ବରାଳ ଓ ଡେଲାଙ୍ଗ ଥାନା ଅଧିକାରୀ ରଶ୍ମିରଞ୍ଜନ ପଟ୍ଟନାୟକ ଡେଲାଙ୍ଗ ଥାନା ଅନ୍ତର୍ଗତ ମାନପୁର ସ୍ଥିତ କଲ୍ୟାଣ ମଣ୍ଡପ ପରିସରରେ ଅଚାନକ ଚଢାଉ କରାଯାଇଥିଲା ।

ବିନା ଲାଇସେନରେ ଉକ୍ତ ବେଆଇନ ବାଣ ଗଛିତ ରଖିଥିବା ଜଟଣୀ ଥାନା ଅନ୍ତର୍ଗତ ଜଗନ୍ନାଥ ପାଟଣା ଗାଁର ଲକ୍ଷ୍ମୀଧର ବିଶ୍ଵାଳଙ୍କୁ ଅଟକ ରଖା ଯାଇଛି ।ଜବତ ବାଣର ମୂଲ୍ୟ ପ୍ରାୟ ୬ ଲକ୍ଷ୍ୟ ଟଙ୍କା ହେବ ଅନୁମାନ କରାଯାଉଛି । ଏ ସମ୍ଵନ୍ଧରେ ଡେଲାଙ୍ଗ ଥାନାରେ ବିଷ୍ପୋରକ ଦ୍ରବ୍ୟ ଆଇନ ଅନୁସାରେ ଏକ ମକଦ୍ଦମା ରୁଜୁ କରାଯାଇଛି ।