ହାପି ବାର୍ଥ ଡେ’ ବିରାଟ

ମୁମ୍ବାଇ (ବଡ଼ ଖବର ବ୍ୟୁରୋ): ଶ୍ରେଷ୍ଠ କ୍ରିକେଟର ମଧ୍ୟରେ ସେ ହେଉଛନ୍ତି ଅନ୍ୟତମ । ପଡିଆକୁ ଓହ୍ଲେଇଲେ ଦର୍ଶକଙ୍କ ଆଖି ଲାଖିଯାଏ । ତାଙ୍କର ବାଟର ଗତି ଉପରେ ଥାଏ ସମସ୍ତଙ୍କର ନଜର । ନିଜର ଆତ୍ମବିଶ୍ୱାସ ଏବଂ କଠିନ ପରିଶ୍ରମ ମାଧ୍ୟମରେ ପାଲଟିଗଲେ କ୍ରିକେଟ ଦୁନିଆଁର ବାଦଶାହା । ତାଙ୍କର କ୍ରିକେଟ କ୍ଷେତ୍ରରେ ରହିଛି ଅତୁଳନୀୟ ଅବଦାନ ।

ସେ ହେଉଛନ୍ତି ଭାରତୀୟ କ୍ରିକେଟ ଦଳର ଲମ୍ବା ଫର୍ମାଟର ସବୁଠାରୁ ସଫଳ ଅଧିନାୟକ ବିରାଟ କୋହଲି । ଆଜି ତାଙ୍କର ଜନ୍ମଦିନ । ସେ ୧୯୮୮ ମସିହା ନଭେମ୍ବର ୫ ତାରିଖରେ ଦିଲ୍ଲୀରେ ଜନ୍ମଗ୍ରହଣ କରିଥିଲେ । ଶେଷଥର ପାଇଁ ଟି-୨୦ ବିଶ୍ୱକପରେ ଭାରତକୁ ଆଗେଇ ନେଉଥିବା କୋହଲି ତାଙ୍କ ଜୁନିଅର ଦିନରୁ ଲାଇମଲାଇଟରେ ରହିଛନ୍ତି । ୨୦୦୮ ରେ ୟୁ-୧୯ ଦଳକୁ ବିଶ୍ୱକପ ଟାଇଟେଲ ଜିତିବାର ନେତୃତ୍ୱ ନେଇଛନ୍ତି ।

୨୦୧୧ ରେ ୫୦ ଓଭରରେ ବିଶ୍ୱକପ ବିଜେତା ଦଳର ଏକ ଅଂଶ ଥିଲା । ୨୦୧୨ରେ ତାଙ୍କୁ ଟିମ ଇଣ୍ଡିଆର ଉପଅଧିନାୟକ ଭାବରେ ନାମିତ କରାଯାଇଥିଲା । ୨୦୧୪ରେ ଟେଷ୍ଟ ଅଧିନାୟକ ଭାବରେ ଦାୟିତ୍ୱ ଗ୍ରହଣ କରିଥିଲେ । ଆଜି ଜନ୍ମଦିନ ଅବସରରେ କୋହଲି ଦେଶବାସୀଙ୍କୁ କ’ଣ ଭେଟି ଦେଉଛନ୍ତି ତା ଉପରେ ସମସ୍ତଙ୍କର ନଜର । ‏