ଦୟାନଦୀରୁ ନିଖୋଜ ଅବିନାଶଙ୍କ ମୃତଦେହ ଉଦ୍ଧାର

ପିପିଲି (ବଡ଼ ଖବର ବ୍ୟୁରୋ): ଦୀର୍ଘ ୩୬ ଘଣ୍ଟା ପରେ ନିଖୋଜ ଅବିନାଶଙ୍କ ମୃତଦେହ ଉଦ୍ଧାର ହେଲା । ଗତ ଦୁଇଦିନ ପୂର୍ବରୁ ଦୟାନଦୀରେ ଗାଧୋଉଥିବା ସମୟରେ ପାଣିରେ ବୁଡ଼ିଯାଇ ନିଖୋଜ ହୋଇଥିଲେ । ଭୁବନେଶ୍ୱର ପାତ୍ରପଡାରୁ ତାଙ୍କ ମୃତଦେହ ଉଦ୍ଧାର ହୋଇଛି । ଦୀର୍ଘ ୩୬ଘଣ୍ଟା ପରେ ନଦୀ ଭିତରୁ ଉଦ୍ଧାର କଲେ ସ୍ଥାନୀୟ ଲୋକ ।

ନିଖୋଜ ଥିବା ସ୍ଥାନର ୬ଶହ ମିଟର ଦୂର କଣ୍ଟି ପଞ୍ଚାୟତର ଲେମ୍ବୁଆ ପଡା ମୌଜାରୁ ମୃତ ଦେହକୁ ଉଦ୍ଧାର କରିଛନ୍ତି ସ୍ଥାନୀୟ ଲୋକ।ଆଜି ଭୋର ୫ଟାରେ ଖୋଜାଖୋଜି କରୁଥିବା ସମୟରେ ଅବିନାଶଙ୍କ ମୃତଦେହକୁ ଦେଖିଥିଲେ ଲୋକେ। ପରେ ତାଙ୍କ ପରିବାର ଲୋକ ଓ ପୋଲିସକୁ ଜଣାଇବା ସହ ମୃତଦେହକୁ ନଦୀ କୂଳକୁ ଆଣିଥିଲେ। ମୃତଦେହ ମିଳିଥିବା ସ୍ଥାନଟି ଡେଲାଙ୍ଗ ଥାନା ଅଧୀନରେ ଆସୁଥିବାରୁ ଘଟଣାସ୍ଥଳରେ ଡେଲାଙ୍ଗ ଥାନା ଅଧିକାରୀ ମଧ୍ୟ ଉପସ୍ଥିତ ଅଛନ୍ତି ।