କଳାହାଣ୍ଡି (ବଡ଼ ଖବର ବ୍ୟୁରୋ) ମମିତା ମୃତ୍ୟୁ ଘଟଣା ଦିନକୁ ଦିନ ନୂଆ ନୂଆ ତଥ୍ୟ ହାସଲ ହେବାରେ ଲାଗିଛି । ମୃତ୍ୟୁ ଉପରୁ ଧିରେ ଧିରେ ରହସ୍ୟ ଖୋଲୁଛି ପୋଲିସ । ଏବେ ଏହି ଘଟଣାରେ ମିଳିିଲା ଆଉ ଏକ ଗୁରୁତ୍ୱପୂର୍ଣ୍ଣ ତଥ୍ୟ । ବିବେକ ଅଗ୍ରୱାଲ ନାମକ ବ୍ୟକ୍ତିଙ୍କ ୧୬୧ ନମ୍ବର ବୟାନରୁ ମିଳିଲା ତଥ୍ୟ । ମମିତାଙ୍କ ଶବ ପୋଡିବାକୁ ଟାୟାର ଦେଇଥିଲେ ବିବେକ ।
ମମିତାଙ୍କୁ ହତ୍ୟା ପରେ ବିବେକଙ୍କୁ ଫୋନ କରିଥିଲେ ଗୋବିନ୍ଦ । ଅକ୍ଟୋବର ୮ ତାରିଖ ମଧ୍ୟାହ୍ନ ୧୨.୩୦ ରେ ଫୋନ କରିଥିଲେ ଗୋବିନ୍ଦ । ଦିନ ସାଢେ ତିନିଟାରେ ବିବେକଙ୍କ ଠାରୁ ଟାୟାର ଆଣିଥିଲେ ରାଧେଶ୍ୟାମ । ଡ୍ରାଇଭର ରାଧେଶ୍ୟାମ ଚଣ୍ଡି ଯାଇ ଆଣିଥିଲେ ୨ଟି ଟାୟାର । ଅନ୍ୟପଟେ ଅଧିକ ତଥ୍ୟ ପାଇଁ ଫୋରେନସିକ ଲ୍ୟାବ ଗଲା ୭୦ଟି ସିଜର ସାମଗ୍ରୀ । ଏଥିରେ ମମିତାର ମୃତ ଅସ୍ଥି, ମାଂସ, ବ୍ୟାଗ ପଠାଯାଇଛି ।
ସେପଟେ ସିନ୍ଧେକେଲା ପୋଲିସ ମହାଲିଙ୍ଗରୁ ଘଟଣାରେ ବ୍ୟବହୃତ ଜେ.ସି.ବି ଏବଂ ଗୋବିନ୍ଦର ସ୍କୁଟିକୁ ଜବତ କରି ଥାନାକୁ ଆଣିଥିଲା । ଜେ.ସି.ବି ଡ୍ରାଇଭର ଗାତ ଖୋଲିବା ଏବଂ ଗାତ ପୋତିବା କାମ କରିଥିଲେ ମଧ୍ୟ ହତ୍ୟାକାଣ୍ଡ ସଂପର୍କରେ ଜାଣିନଥିବା କହିବାରୁ ତାକୁ ଛାଡି ଦେଇଥିଲା ପୁଲିସ୍ । ମମିତା ମେହେର ହତ୍ୟା ମାମଲାର ସିବିଆଇ ତଦନ୍ତ ଦାବିରେ ବିଭିନ୍ନ ଜିଲ୍ଳାରେ ବନ୍ଦ ପାଳନ ହୋଇଛି । ମମିତାଙ୍କ ହତ୍ୟାର ସିବିଆଇ ତଦନ୍ତ ସହ ହତ୍ୟାରେ ସମ୍ପୄକ୍ତ ଥିବା ଗୄହରାଷ୍ଟ୍ର ମନ୍ତ୍ରୀଙ୍କ ଇସ୍ତଫା ଓ ଗିରଫ ଦାବିରେ ସାରା ରାଜ୍ୟରେ ଉଷ୍ମତା ରହିଛି ।
