ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ନ୍ୟାୟ ପାଇଁ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହେଲେ ୭ ବିଚାରପତି । ଫେବୃଆରୀ ୨୪ରେ ହେବ ଶୁଣାଣି । ଇତିହାସରେ ଏଭଳି ଘଟଣା ପ୍ରଥମ । ପାଟଣା ହାଇକୋର୍ଟର ୭ଜଣ ବିଚାରପତି ରାଜ୍ୟ ସରକାରଙ୍କ ବିରୋଧରେ ନ୍ୟାୟ ପାଇଁ ସୁପ୍ରିମକୋର୍ଟର ଦ୍ୱାରସ୍ଥ ହୋଇଛନ୍ତି, ଯାହାର ଶୁଣାଣି ଆସନ୍ତା ୨୪ ତାରିଖରେ ହେବ । ସୂଚନା ଅନୁସାରେ, ବିହାରର ଆକାଉଣ୍ଟ ଜେନେରାଲ ଏହି ୭ ବିଚାରପତିଙ୍କ ପ୍ରୋଭିଡେଣ୍ଟ ଫଣ୍ଡ ବା ଜିପିଏଫ୍ ବନ୍ଦ କରିଦେଇଛନ୍ତି ।
ଆଇନ ଓ ନ୍ୟାୟ ମନ୍ତ୍ରଣାଳୟର ମତାମତ ଅନୁସାରେ, ଏଭଳି ପଦକ୍ଷେପ ନିଆଯାଇଛି । ଫଳରେ ସେମାନେ ଏହା ବିରୋଧରେ ନ୍ୟାୟ ପାଇବାକୁ ସୁପ୍ରିମକୋର୍ଟର ଦ୍ୱାରସ୍ଥ ହୋଇଛନ୍ତି । ୭ ବିଚାରପତି ହେଉଛନ୍ତି ଜଷ୍ଟିସ୍ ଶୈଳେନ୍ଦ୍ର ସିଂହ, ଜଷ୍ଟିସ୍ ଅରୁଣ କୁମାର ଝା, ଜଷ୍ଟିସ୍ ଜିତେନ୍ଦ୍ର କୁମାର, ଜଷ୍ଟିସ୍ ଆଲୋକ କୁମାର ପାଣ୍ଡେ, ଜଷ୍ଟିସ୍ ସୁନୀଲ ଦତ୍ତା ମିଶ୍ରା, ଜଷ୍ଟିସ୍ ଚନ୍ଦ୍ର ପ୍ରକାଶ ସିଂହ, ଓ ଜଷ୍ଟିସ୍ ଚନ୍ଦ୍ରଶେଖର ଝା । ଏମାନେ ମିଳିତ ଭାବେ ନ୍ୟାୟ ପାଇଁ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି ।
