ଆଗକୁ ଆହୁରି ସିଝିବ ରାଜଧାନୀ
ଭୁବନେଶ୍ୱର(ବଡ଼ ଖବର ବ୍ୟୁରୋ): ଏବେ ଠାରୁ ସିଝିଲାଣି ଓଡ଼ିଶା । ଆଗକୁ ଆହୁରି ସିଝିବ । ୨୮ ରୁ ତାତି ଆହୁରି ବଢିବ । ମାର୍ଚ୍ଚ ୨ ଓ ୩ ସୁଦ୍ଧା ଆଭ୍ୟନ୍ତର ଓଡ଼ିଶାରେ ତାପମାତ୍ରା ୪୦ ଡିଗ୍ରୀ ପାର କରିବ । ୩ ରେ ରାଜଧାନୀରେ ତାପମାତ୍ରା ୪୨ ଡିଗ୍ରୀ ଛୁଇଁପାରେ । ଆଗକୁ ତାତି ବଢିବାକୁ ନେଇ ସତର୍କ କରାଇଛନ୍ତି ବରିଷ୍ଠ ପାଣିପାଗ ବିଶେଷଜ୍ଞ ପ୍ରଫେସର ଡ଼. ସୁରେନ୍ଦ୍ରନାଥ ପଶୁପାଳକ ।
ରବିବାର ଠାରୁ ଓଡ଼ିଶା ଓ ସଲଗ୍ନ ଅଞ୍ଚରେ ଗୁରୁଚାପ ସୃଷ୍ଟି ସହ ରାଜ୍ୟକୁ ଦକ୍ଷିଣ ପଟୁ ବଙ୍ଗୋପସାଗରୀୟ ପବନ ବହିବ । ଏହାର ପ୍ରଭାବରେ ୨୮ରୁ ତାତି ଆହୁରି ବଢିବ । ୩ ସୁଦ୍ଧା ଆଭ୍ୟନ୍ତରିଣ ଓଡ଼ିଶାର ଝାରସୁଗୁଡ଼ାରୁ କଳାହାଣ୍ଡି ଯାଏ ଅଧିକାଂଶ ଅଞ୍ଚଳରେ ୪୦ ଡିଗ୍ରୀ ପାର କରିବ । ୩ରେ ଭୁବନେଶ୍ୱରରେ ତାପମାତ୍ର ୪୧ରୁ ୪୨ ଛୁଇଁପାରେ ।