ଭୁବନେଶ୍ୱର (ବଡ଼ ଖବର ବ୍ୟୁରୋ): ରାଜସ୍ୱ ମନ୍ତ୍ରୀ ପ୍ରମିଳା ମଲ୍ଲିକ କହିଛନ୍ତି ଯେ ସବୁବେଳେ କେନ୍ଦ୍ର ସରକାର ତେଲ ଓ ଗ୍ୟାସ ରେଟ ବଢ଼ାଇଛନ୍ତି । ଯାହା ହାଣ୍ଡିଶାଳକୁ ମାଡ଼ ମାରିଛି ଓ ଗୃହିଣୀ ମାନେ ହଇରାଣ ହେଉଛନ୍ତି । ଜାଲେଣି ବଦଳରେ ଗ୍ୟାସର ଲୋଭ ଦେଖାଇଥିଲେ । କିନ୍ତୁ ଯିଏ ଗ୍ୟାସ ଆଣିଛନ୍ତି ଆଉ ଭରି ପାରୁ ନାହାନ୍ତି । ଏଭଳି ଅସୁବିଧାରେ ମାଆ ଭଉଣୀମାନେ ପଡିଛନ୍ତି ଯେ ଗ୍ୟାସ ଭରିବା ସେମାନଙ୍କ ପାଇଁ କଷ୍ଟରେ ହେଉଛି । ଏହାର ଦର ବାରମ୍ବାର ବୃଦ୍ଧି ପାଉଛି । ମାଆମାନେ ରୋଷେଇ କରିବାରେ ହଇରାଣ ହେଉଛନ୍ତି ।
ବିଜେପି ଯେଉଁ ଫମ୍ପା ଆୱାଜ ଦେଇଥିଲେ ଯେ ଆମେ ସମସ୍ତଙ୍କୁ ଧୂଆଁଶୂନ୍ୟ ଇନ୍ଧନ ଯୋଗାଇବୁ, ତାହା ଆଜି ପ୍ରହସନ ପାଲଟିଛି । ଆମେ ସବୁବେଳେ ପ୍ରତିବାଦ କରି ଆସିଛୁ ଓ କରିବୁ ମଧ୍ୟ । ପୋଲିସ ଏକାପାଖିଆ କାମ କେବେ ବି କରେନି । ଯେତେବେଳେ ବି ଆନ୍ଦୋଳନ ହୁଏ, ଆଇନ ଅନୁସାରେ କାର୍ୟ୍ୟାନୁଷ୍ଠାନ ନିଏ । ଯାହା ଜୟ ନାରାୟଣ ମିଶ୍ର ସବୁବେଳେ ଆକ୍ଷେପ କରନ୍ତି । ସରକାର ଯାହା ଭଲ କାମ କଲେ ବି ତାଙ୍କୁ ଦେଖା ଯାଏନି । ଗତକାଲି ଘଟଣା, ବିଜେପି ନାଁ ଓ ଦଳର ପ୍ରଚାର ପ୍ରସାର ପାଇଁ ଏମିତି କରିଛନ୍ତି ।
