ଚଳଚଞ୍ଚଳ ଅସ୍ତରଙ୍ଗ ବଜାର

ଅସ୍ତରଙ୍ଗ(ବଡ଼ ଖବର ବ୍ୟୁରୋ): ଆଜି ହେଉଛି ଧନତେରାସ । ବିଶ୍ୱସ ଆଛି ଆଜିର ଦିନରେ ସୁନା କିଣିଲେ ମାତା ଲକ୍ଷ୍ମୀଙ୍କ କୃପା ମିଳେ । ଏଇଥି ପାଇଁ ପ୍ରତିବର୍ଷ ଧନତେରାସରେ ବଢିଥାଏ ସୁନା କାରବାର । ଗ୍ରାହକଙ୍କୁ ଆକର୍ଷଣୀୟ ଅଫର ଦେଇ ନିଜ ଆଡକୁ ଆକୃଷ୍ଟ କରନ୍ତି ସୁନା ଦୋକାନୀ । ଚଳିତ ବର୍ଷ କିନ୍ତୁ କରୋନା ପାଇଁ ସାରା ବିଶ୍ୱର ଅର୍ଥନୀତି ମାଟି କାମୁଡି ପଡିଛି । ଏଭଳି ପରିସ୍ଥିତିରେ ସୁନା ବ୍ୟବସାୟରେ ଦେଖା ଦେଇଥିଲା ମାନ୍ଦାବସ୍ଥା । ଧନତେରାସ ପାଇଁ କିନ୍ତୁ ଚଳଚଞ୍ଚଳ ହୋଇ ପଡିଛି ଅସ୍ତରଙ୍ଗର ବିଭିନ୍ନ ସୁନା ଦୋକାନ । ଗ୍ରାହାକଙ୍କ ପାଇଁ ନୂଆ ଦିଜାଇନର ସୁନା ଅଳଙ୍କାର ସହ ଆକର୍ଷଣୀୟ ଅଫର ଦେଇଛନ୍ତି ଦୋକାନୀ । ଦୋକାନକୁ ଆକର୍ଷଣୀୟ ଡେକୋରସେନ ସହ ସୁନାର ଗଢା ମଜୁରୀ ଉପରେ ବିଶେଷ ରିହାତି ଦିଆଯାଉଛି । ସୁନା କିଣିବା ପଇଁ ଅସ୍ତରଙ୍ଗ ବାଜାରରେ ଗ୍ରାହାକଙ୍କ ଭିଡ ଲାଗିଛି । ଗତ ବର୍ଷ ତୁଳନାରେ ଚଳିତ ବର୍ଷ ସୁନା ରେଟ ଅଧିକା ଥିବା କାରଣରୁ ବେପାରରେ କିଛିଟା ବୟଗତ ହେବ ବୋଲି କହିଛନ୍ତି ଦୋକାନୀ । ତେବେ ଧନତେରାସକୁ ଦୃଷ୍ଟିରେ ରଖି ପୋଲିସ ପକ୍ଷରୁ ଛକଗୁଡିକରେ ପାଟ୍ରୋଲିଂ କରାଯାଉଛି । ଗ୍ରାହାକଙ୍କ ସୁରକ୍ଷା ପଇଁ କୋଭିଡ ନିୟମ ମାନି ବ୍ୟବସାୟ କରାଯିବ ବୋଲି କହିଛନ୍ତି ଦୋକାନୀ ।