ଗିରଫ ହୋଇପାରନ୍ତି ଇମରାନ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଗିରଫ ହୋଇପାରନ୍ତି ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମରାନ ଖାନ୍ । ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ପାଇଁ ଅଡୁଆ ବଢିବାରେ ଲାଗିଛି । ତାଙ୍କୁ ଗିରଫ କରିବାକୁ ୱାରେଣ୍ଟ ଧରି ତାଙ୍କ ବାସଭବନରେ ପହଞ୍ଚିଛି ପୋଲିସ । ତୋଷଖାନା ମାମଲାରେ ଇସଲାମାବାଦ ପୋଲିସ ୱାରେଣ୍ଟ ଧରି ପିଟିଆଇର ଅଧ୍ୟକ୍ଷ ଇମରାନ ଖାନଙ୍କ ଇସଲାମାବାଦର ଜମା ପାର୍କ ସ୍ଥିତି ବାସଭବନରେ ପହଞ୍ଚିଛି ।
ସେସନ କୋର୍ଟର ଜଜ୍ ଜଷ୍ଟିସ ଜଫର ଇକବାଲ ଫେବୃଆରୀ ୨୮ ତାରିଖରେ ଇମରାନ ଖାନଙ୍କ ବିରୋଧରେ ଜାମିନ ବିହୀନ ଗିରଫ ପରୱାନା ଜାରି କରିଥିଲେ । ଫେବୃଆରୀ ୨୮ରେ ଅନେକ ମାମଲାରେ କୋର୍ଟରେ ହାଜର ହୋଇଥିଲେ ଇମ୍ରାନ ଖାନ । ଶୁଣାଣି କ୍ରମରେ ଅନେକ ମାମଲାରେ ତାଙ୍କୁ ଆସ୍ୱସ୍ଥି ମିଳିଥିବା ବେଳେ ତୋଷଖାନା ମାମଲାରେ ତାଙ୍କ ଉପରେ ୱାରେଣ୍ଟ ଜାରି କରାଯାଇଥିଲା । ସମାନ ଦିନରେ ୪ଟି ମାମଲାର ଶୁଣାଣି ହୋଇଥିବା ବେଳେ ଇମ୍ରାନ ଖାନ ୩ଟି କୋର୍ଟରେ ହାଜର ହୋଇଥିଲେ ବି ତୋଷଖାନା ମାମଲାର ବିଚାର କରୁଥିବା କୋର୍ଟରେ ହାଜର ହୋଇନଥିଲେ ଇମ୍ରାନ ଖାନ୍ ।