କଣ୍ଣାଟକ (ବଡ଼ ଖବର ବ୍ୟୁରୋ): ମହୀଶୂରରେ ୧୬ ହଜାର କୋଟି ଟଙ୍କା ମୂଲ୍ୟର ପ୍ରକଳ୍ପର ଉଦଘାଟନ କରିବା ପୂର୍ବରୁ ମାଣ୍ଡ୍ୟାରେ ପ୍ରାୟ ୨ କିଲୋମିଟର ପର୍ଯ୍ୟନ୍ତ ଏକ ରୋଡ ଶୋ କରିଛନ୍ତି ପ୍ରଧାନମନ୍ତ୍ରୀ । ଯେଉଁଠି ଲୋକେମାନେ ମୋଦିଙ୍କ ଉପରେ କରିଛନ୍ତି ଫୁଲ ବର୍ଷା । ରୋଡ ଶୋ ସମୟରେ ହଜାର ହଜାର ଲୋକଙ୍କୁ ଦେଖିବାକୁ ମିଳିଥିଲା। ପ୍ରଧାନମନ୍ତ୍ରୀ ମଧ୍ୟ କାରରୁ ଓହ୍ଲାଇ ଲୋକଙ୍କୁ ଅଭିବାଦନ ଜଣାଇଛନ୍ତି।
ରାଜନୈତିକ ଦୃଷ୍ଟିକୋଣରୁ ମାଣ୍ଡ୍ୟାରେ ପ୍ରଧାନମନ୍ତ୍ରୀଙ୍କ ଉପସ୍ଥିତି ମଧ୍ୟ ଗୁରୁତ୍ୱପୂର୍ଣ୍ଣ। କାରଣ ମେ ମାସରେ ରାଜ୍ୟରେ ବିଧାନସଭା ନିର୍ବାଚନ ହେବାକୁ ଯାଉଛି। ମାଣ୍ଡ୍ୟା ଜିଲା ପୁରୁଣା ମହୀଶୂରର ଅଞ୍ଚଳର ଏକ ପ୍ରମୁଖ ଅଂଶ ଏବଂ ପାରମ୍ପାରିକ ଭାବରେ ଜନତା ଦଳ ସେକୁଲାର (ଏସ) ର ଏକ ଗଡ଼ ହୋଇଆସୁଛି। ଏହି ଜିଲାରେ ସାତଟି ବିଧାନସଭା ନିର୍ବାଚନମଣ୍ଡଳୀ ଅଛି ।
