ନୂଆ ଭୂତାଣୁ ପାଇଁ କେନ୍ଦ୍ରର ନୂଆ ଗାଇଡଲାଇନ
ଭୁବନେଶ୍ୱର (ବଡ଼ ଖବର ବ୍ୟୁରୋ): ଚିନ୍ତା ବଢାଉଛି ଏଚ୩ଏନ୨ ଭାଇରସ । ଏହା ସହ କୋଭିଡ଼ ମଧ୍ୟ ସାମିଲ ହୋଇଛି । ସତର୍କ ରହିବାକୁ ରାଜ୍ୟଗୁଡିକୁ କେନ୍ଦ୍ର ସ୍ୱାସ୍ଥ୍ୟ ସଚିବ ଚିଠି ଲେଖି ପରାମର୍ଶ ଦେଇଛନ୍ତି । ନୂଆ ଭୂତାଣୁ ସଂକ୍ରମଣ ମୁକାବିଲା ପାଇଁ ୫ ସୂତ୍ରୀ ଗାଇଡଲାଇନ ପାଳନ କରିବାକୁ କେନ୍ଦ୍ର ପରାମର୍ଶ ଦେଇଛି । ଏଚ୩ଏନ୨ ଭାଇରସ ଯୋଗୁଁ ଦେଶରେ ମୋଟ ୩୬୧୮ ଜଣ ଆକ୍ରାନ୍ତ ହେଲେଣି । ଗୋଟିଏ ଦିନରେ ୫୨୪ ଜଣ ସଂକ୍ରମିତ ହୋଇଥିବାରୁ କେନ୍ଦ୍ର ସରକାର ଉଦବେଗ ପ୍ରକାଶ କରିଛନ୍ତି । ୧୧୩ ଦିନ ବ୍ୟବଧାନରେ ଏତେ ସଂଖ୍ୟକ ପଜିଟିଭ କେସ ମିଳିବା ଚିନ୍ତାଜନକ ବୋଲି କେନ୍ଦ୍ର ସ୍ୱାସ୍ଥ୍ୟ ସଚିବ କହିଛନ୍ତି ।
ବିଭିନ୍ନ ରାଜ୍ୟରେ ନୂଆ ପଜିଟିଭ ସଂଖ୍ୟା ବଢୁଥିବାବେଳେ ଏଚ୩ଏନ୨ ଇନଫ୍ଲୁଏନଞ୍ଜା ସହିତ କୋଭିଡ ଡର ବୟସ୍କ ଓ ଗର୍ଭବତୀମାନଙ୍କୁ ସମସ୍ୟାରେ ପକାଇପାରେ ବୋଲି ସ୍ୱାସ୍ଥ୍ୟ ବିଶେଷଜ୍ଞମାନେ କହୁଛନ୍ତି । ବୟସ୍କ ଓ ଗର୍ଭବତୀମାନଙ୍କ ପ୍ରତି ଅଧିକ ଧ୍ୟାନ ଦେବାକୁ କେନ୍ଦ୍ରସରକାର ରାଜ୍ୟଗୁଡିକୁ ପରାମର୍ଶ ଦେଇଛନ୍ତି । ଟେଷ୍ଟ , ଟ୍ରାକ, ଟ୍ରିଟ ଭ୍ୟାକ୍ସିନେସନ ଭଳି କୋଭିଡ ନିୟମ ପାଳନ ଉପରେ କେନ୍ଦ୍ର ଗୁରୁତ୍ୱ ଦେଇଛି । ଟକାକରଣ , ମେଡିସିନ, ଅକ୍ସିଜେନ ଓ ହସ୍ପିିଟାଲ ପ୍ରସ୍ତୁତ ରଖିବାକୁ ପରାମର୍ଶ ଦିଆଯାଇଛି । ନୂଆ ଭୂତାଣୁକୁ ମୁକାବିଲା କରିବା ପାଇଁ କେନ୍ଦ୍ର ୫ ସୂତ୍ରୀ ଗାଇଡଲାଇନ ପାଳନ କରିବାକୁ ପରାମର୍ଶ ଦେଇଛି ।
