ଭୁବନେଶ୍ୱର(ବଡ଼ ଖବର ବ୍ୟୁରୋ): ଶୂନ୍ୟକାଳରେ ବିରୋଧୀ ଦଳ ନେତାଙ୍କ ପୁଣି ବିସ୍ଫୋରକ ବୟାନ । ରାଜ୍ୟ ସରକାର ଓ ୫-ଟିକୁ ଜୋରଦାର ଟାର୍ଗେଟ । ନବ ଦାସ ହତ୍ୟାକାଣ୍ଡକୁ ୪୫ ଦିନ ବିତିଲା । କିନ୍ତୁ ଆଜି ବି କାରଣ ସନ୍ଧିହାନ । ମୁଖ୍ୟମନ୍ତ୍ରୀଙ୍କ ଉତ୍ତର ଗୋଟେ, ରାଷ୍ଟ୍ରମନ୍ତ୍ରୀଙ୍କ ଉତ୍ତର ଆଉ ଗୋଟେ । କେତେ ଦିନ ଭିତରେ ତଦନ୍ତ ଶେଷ ହେବ ବାଚସ୍ପତି ରୁଲିଂ ଦିଅନ୍ତୁ । ସରକାର ସ୍ପଷ୍ଟ କରିବେ ।
ମୁଁ ଉଠାଇଥିବା ୫-ଟି ପ୍ରସଙ୍ଗରେ ମୁଖ୍ୟ ସଚେତକ କହିଥିଲେ ୫-ଟି ଏକ ଚିନ୍ତାଧାରା । ଏକ ବିଚାରଧାରା । ଯଦି ୫-ଟି ବିଚାରଧାରା, ତେବେ ତାହା ବିଚାର ଧାରାରେ ରହୁ । ସବୁ ବିଭାଗର ମାଲିକ କେମିତି ହୋଇଯାଉଛନ୍ତି । ଲେଜିସଲେଚର , ଆଡ଼ମିନଷ୍ଟେଟର ଓ ଜୁଡ଼ିସିଆରୀ ସମସ୍ତେ ସମସ୍ତଙ୍କ ପାଖରେ ଉତ୍ତରଦାୟୀ । ୫-ଟି କାହା ପାଖରେ ଉତ୍ତରଦାୟୀ । ସେ କଣ ଉତ୍ତରଠୁ ଉର୍ଦ୍ଧ୍ବରେ । ୫-ଟି କଣ ସବୁଠୁ ଉର୍ଦ୍ଧ୍ବରେ ।
